A Xunta convoca as axudas de 2024 para potenciar a formación e a divulgación en materia de consumo
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O DOG publica hoxe dúas convocatorias para que asociacións de persoas consumidoras poidan financiar accións arredor da subministración de enerxía, do comercio electrónico ou do sobreendebedamento
- As axudas van dirixidas a actividades de sensiblización, formación e divulgación realizadas por entidades inscritas na sección xeral do Rexistro de Organizacións de Consumidores e Usuarios de Galicia
- A medida ten por obxecto garantir a descentralización e desconcentración da formación chegando a todos os puntos do territorio galego a través da colaboración coas entidades asociativas
Estas imágenes pertenecen a Página Oficial de la Xunta de Galicia
Santiago de Compostela, 10 de outubro de 2024
O Diario Oficial de Galicia (DOG) publica hoxe dúas resolucións de axudas da Consellería de Emprego, Comercio e Emigración para que as asociacións de persoas consumidoras inscritas na sección xeral do Rexistro de Organización e Consumidores e Usuarios de Galicia poñan en marcha actividades de sensibilización, formación e divulgación, por unha banda, sobre subministración de enerxía eléctrica e comercio electrónico seguro e, por outra, en materia de sobreendebedamento.
Cun orzamento total de 24.000 euros, o obxectivo é apoiar a realización de actividades formativas nestas áreas co obxecto de garantir a descentralización e desconcentración da acción divulgativa en materia de consumo, chegando a todos os puntos do territorio autonómico coa colaboración das entidades asociativas.
A través das convocatorias poderase financiar ata un 100% dos gastos, non podendo superar cada actividade formativa individual a contía de 200 euros (IVE incluído). Mentres, o total da axuda para a entidade correspondente non poderá superar os 2.400 euros (IVE incluído).
Para cobrar as axudas concedidas, xunto coa documentación solicitada nas ordes, as entidades beneficiarias deberán emitir xustificación das persoas asistentes ás actividades, así como achegar unha reportaxe fotográfica e unha memoria final de avaliación.
O Instituto Galego do Consumo e da Competencia
Con estas axudas, a Xunta de Galicia potencia o papel divulgador do Instituto Galego do Consumo e da Competencia (IGCC), que no pasado ano formou máis de 20.000 persoas a través da Escola Galega de Consumo.
De forma complementaria, para calquera dúbida concreta en materia de consumo, a cidadanía ten á súa disposición o Instituto tanto a través das súas oficinas de atención presencial nas sete principais cidades galegas como mediante o teléfono gratuíto 900 23 11 23, que funciona de 9,00 a 14,00 horas e de 17,00 a 19,00 horas de luns a venres para ofrecer información e asesoramento.
Ligazóns ás resolucións no DOG:
Subministración de enerxía eléctrica e comercio electrónico seguro
https://www.xunta.gal/dog/Publicados/2024/20241010/AnuncioG0482-011024-0001_gl.html
Sobreendebedamento
https://www.xunta.gal/dog/Publicados/2024/20241010/AnuncioG0482-011024-0003_gl.html">https://www.xunta.gal/dog/Publicados/2024/20241010/AnuncioG0482-011024-0003_gl.html
