O secretario xeral da Emigración dá a benvida aos maiores do exterior que participan no programa 'Reencontros con Galicia'
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Esta iniciativa, que se desenvolve en colaboración coa Consellería de Política Social e Igualdade, levarase a cabo do 8 ao 19 de outubro
- As persoas participantes teñen máis de 65 anos, proceden de Cuba, Venezuela, O Brasil, A Arxentina ou O Uruguai e aloxaranse nas residencias de tempo libre da Xunta de Galicia en Panxón e Carballiño
Estas imágenes pertenecen a Página Oficial de la Xunta de Galicia
Santiago de Compostela, 8 de outubro de 2024
O secretario xeral da Emigración, Antonio Rodríguez Miranda, recibiu esta mañá no aeroporto Rosalía de Castro de Santiago de Compostela aos participantes do programa Reencontros con Galicia, procedentes de Venezuela, Cuba, O Brasil, A Arxentina e O Uruguai. Este programa ten como obxectivo facilitar o contacto das e dos galegos do exterior maiores de 65 anos coa Galicia actual e coas súas familias.
O programa, que conta con máis de 30 anos de experiencia e se desenvolve en colaboración coa Consellería de Política Social e Igualdade, permite que 200 galegos residentes no exterior poidan gozar de diversas actividades de lecer e visitas culturais durante a súa estadía, do 8 ao 19 de outubro. Ademais, percorrerán diferentes localidades e cidades galegas para coñecer o patrimonio cultural e natural do país. Os participantes estarán aloxados nas residencias de tempo libre da Xunta de Galicia en Panxón e Carballiño.
"Moitos dos participantes deste ano levan décadas sen regresar a Galicia, polo que este reencontro será moi emotivo, tanto para eles como para as súas familias. Poderán ver de primeira man a vitalidade desta Galicia próspera e moderna", explicou Antonio Rodríguez Miranda. Engadiu tamén que "para a Xunta de Galicia é un orgullo axudarlles a volver á súa terra e, en moitos casos, a reencontrarse cos familiares que non viron en moito tempo".
A Secretaría Xeral da Emigración ten como obxectivo promover a participación da colectividade galega no exterior na vida cultural e social de Galicia, mantendo os vínculos coa súa terra de orixe. Segundo destacou o secretario xeral da Emigración, "os nosos maiores son fundamentais para transmitir ás xeracións nacidas no exterior ese sentimento especial cara a Galicia, garantindo que eses lazos nunca se rompan".
