A Xunta participará cun espazo de emprendemento na II Feira da Mascota de Galicia
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
Pontevedra, 9 de setembro de 2024
O secretario xeral de Emprego e Relacións Laborais, Pablo Fernández, participou na presentación da II Feira da Mascota de Galicia que se celebrará o 14 e o 15 de setembro no recinto feiral de Pontevedra e que contará cun espazo sobre iniciativas da Rede de polos de emprendemento e apoio ao Emprego relacionadas co ámbito das mascotas e no que os asistentes poderán afondar nestes proxectos. Alí destacou a importancia de citas coma a Feira da Mascota para potenciar as empresas deste ámbito, xa que este certame contribúe a promover reunións de negocio e a difundir o mundo da mascota, un sector en auxe que en Galicia conta con varias iniciativas emprendedoras.
Nesta liña, Pablo Fernández, salientou o apoio do Goberno galego á creación de novos negocios que contribúan á xeración de emprego de calidade e riqueza en Galicia. Puxo como exemplo deste apoio o labor dos 14 polos de emprendemento activos e do persoal técnico da Rede, asesorando para que persoas interesadas poidan desenvolver os seus proxectos. Outras iniciativas ás que fixo referencia, e que fixeron que Galicia fose recoñecida pola Unión Europea como Rexión Emprendedora Europea 2025, son o mapa de emprendemento virtual que integrará todos os axentes, entidades, redes e recursos dispoñibles para iniciar un negocio en Galicia e as microguías de emprendemento lanzadas polo Goberno galego para impulsar a posta en marcha de empresas.
