A Xunta inviste 44.000 euros na reforma da escola infantil pública autonómica de Bouzas
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Estas obras de mellora enmárcanse nos 3 millóns de euros orzamentados polo Goberno galego para renovar as instalacións de escolas infantís durante o verán
Estas imágenes pertenecen a Página Oficial de la Xunta de Galicia
Vigo, 28 de agosto de 2024
O director xeral de Familia, Infancia e Dinamización Demográfica, Jacobo Rey, visitou esta mañá a escola infantil pública autonómica de Bouzas. Alí puido revisar de primeira man a reforma que está a executarse aproveitando o período de inactividade durante o mes de agosto, cun orzamento de 44.000 euros a cargo da Xunta de Galicia. Nos últimos 3 anos, o Goberno galego investiu 350.000 euros na renovación das instalacións deste centro.
As obras de mellora deste verán, para renovar o pavimento de varias aulas da escola e reforzar, así, o confort dos rapaces e dos profesionais do centro, forman parte do investimento de 3 millóns de euros que a Xunta destina á renovación das instalacións de escolas infantís públicas autonómicas durante as vacacións. Deste xeito, evítase interferir coa actividade que se desenvolve nestes centros durante o resto do ano.
Gratuidade 0-3 anos
O obxectivo é que todo estea listo para setembro, cando comezará o novo curso. Será o terceiro no que se aplique a gratuidade da etapa de 0 a 3 anos. O Goberno galego inviste 60 millóns de euros nesta medida que está a disposición de máis de 32.000 familias cun aforro anual medio de máis de 3.000 euros.
