A Xunta impulsa a iniciativa emprendedora dos emigrantes retornados con apoios que contribúen ao desenvolvemento económico de Galicia
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O secretario xeral da Emigración, Antonio Rodríguez Miranda, visitou hoxe en Vigo o taller de electromecánica posto en marcha pola familia de Agustina Patiño e Agustín Cierne, que retornaron a Galicia desde a Arxentina
- Este emprendemento foi posible con achegas do Goberno autonómico como as axudas para o fomento do autoemprego e a actividade emprendedora dos emigrantes retornados, que se enmarcan na estratexia Galicia Retorna
- O secretario xeral da Emigración destacou o valor do retorno como unha oportunidade para Galicia e salientou que o apoio integral do Executivo autonómico tamén permite que as persoas retornadas contribúan ao progreso socioeconómico da comunidade
Estas imágenes pertenecen a Página Oficial de la Xunta de Galicia
Vigo, 26 de agosto de 2024
O secretario xeral da Emigración, Antonio Rodríguez Miranda, visitou hoxe en Vigo o taller de electromecánica posto en marcha pola familia de Agustina Patiño e Agustín Cierne, que retornaron a Galicia desde A Arxentina e puideron levar a cabo este proxecto empresarial grazas ao apoio integral e a diversas iniciativas da Xunta de Galicia de impulso ao emprendemento.
Agustina e Agustín beneficiáronse das Bolsas de Excelencia Mocidade Exterior (BEME), apoio que propiciou o seu retorno para cursar un mestrado en Dirección de Proxectos na Universidade de Santiago de Compostela, no campus de Lugo, durante o curso 2019/2020. Ademais, entre outras achegas, foron beneficiarios das axudas para o fomento do autoemprego e a actividade emprendedora dos emigrantes retornados da Consellería de Emprego, Comercio e Emigración e da axuda Emega da Dirección Xeral de Promoción da Igualdade.
Durante a visita, o secretario xeral destacou o valor do retorno como unha oportunidade para Galicia, afirmando que "é un orgullo ver como galegos do exterior, grazas á súa experiencia e determinación, deciden volver á nosa comunidade para emprender e formar unha nova vida aquí. O caso de Agustina e a súa familia é un exemplo de como as diversas axudas da Xunta de Galicia non só facilitan o retorno, senón que tamén permiten que os beneficiarios contribúan activamente ao desenvolvemento económico e social de Galicia".
As axudas que permitiron a Agustina Patiño e ao seu home establecer o seu negocio en Vigo e a bolsa BEME, que lles permitiu completar o seu mestrado, enmárcanse na estratexia Galicia Retorna. Esta estratexia implica unha actuación integral desde todos os departamentos para fomentar o retorno e a integración dos galegos do exterior na sociedade galega, promovendo a creación de novas empresas e impulsando o tecido empresarial da comunidade, que se ve enriquecido pola experiencia profesional de retornados chegados de diferentes países.
O taller de electromecánica desta familia é un exemplo máis de como as políticas de apoio ao retorno da Xunta de Galicia, coordinadas a través de diferentes departamentos e programas, están a transformar o tecido empresarial da comunidade, fomentando a creación de novas empresas e contribuíndo ao crecemento económico e social de Galicia.
