Rueda aposta por deseñar medidas específicas para o rural en materia de emprego e servizos sociais para garantir a igualdade de oportunidades
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Pon en valor iniciativas como as casas niño ou as casas do maior, que permiten ofrecer estes servizos onde non funcionan os modelos tradicionais
- Destaca a Rede de polos de emprendemento, que se espalla por todo territorio e que xa leva asesorado máis de 2.100 iniciativas
Estas imágenes pertenecen a Página Oficial de la Xunta de Galicia
Santiago de Compostela, 11 de xullo de 2024
O presidente da Xunta, Alfonso Rueda, apostou hoxe por deseñar medidas específicas para o rural en materia de emprego e servizos sociais porque considerou que a única posibilidade de fixar e atraer poboación pasa por ofrecer as mesmas oportunidades que no resto do territorio.
Así o sinalou durante a clausura do Foro de desafíos e oportunidades no rural, onde fixo fincapé no obxectivo de "que o noso rural, que é unha parte moi importante da nosa identidade, sexa un espazo coas mesmas oportunidades, cos mesmos dereitos e coas mesmas vantaxes e posibilidades que zonas máis urbanas".
No encontro, organizado pola Fundación Mapfre e no que tamén participou a S.A.R a infanta Dona Elena, Rueda recordou que Galicia non só é unha terra rural senón que ten unha elevada dispersión poboacional, e lembrou que isto xera un sobrecusto na prestación de servizos que se achega aos 500 millóns de euros só pola dispersión, sen computar o envellecemento.
Así a todo, considerou este investimento necesario para garantir o equilibrio territorial e puxo en valor non só o esforzo orzamentario, senón tamén a necesidade de impulsar ideas innovadoras para levar recursos de forma eficiente ao rural.
Entre outras iniciativas que ten posto en marcha a Xunta nesta materia, citou as casas niño e as casas do maior, que realizan un labor similar ao das escolas infantís e centros de día de maiores alí onde os modelos tradicionais non son viables. Actualmente, hai en marcha xa máis de 100 casas niño e máis de 120 casas do maior, ofrecendo todas elas atención gratuíta. Tamén fixo fincapé noutras medidas, como o Bono coidado no fogar, ou o programa Xantar na Casa.
Con todo, valorou que para revitalizar o rural son imprescindibles tamén políticas que xeren riqueza e oportunidades. Para facelo, a Xunta puxo en marcha iniciativas como a Rede de polos de emprendemento que, espallada por todo o territorio, xa leva asesorado máis de 2.100 iniciativas. Tamén citou outra medidas como o programa de atracción de nómades dixitais; axudas para incorporar mozos ao agro; ou rebaixas fiscais específicas para o rural.
De feito, grazas a todo este esforzo, tal e como lebrou Rueda, Galicia recibiu recentemente o Premio á rexión emprendedora europea 2025, no que se valorou especialmente a aposta autonómica polo rural.
