A conselleira de Medio Rural e a Federación Nacional de Industrias Lácteas aúnan esforzos para garantir a estabilidade do sector
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- María José Gómez reuniuse hoxe coa Fenil para abordar a situación dos prezos do lácteo e lograr a rendibilidade para toda a súa cadea de valor
- Ademais, reiterouse a petición de que se reduza o diferencial do leite galego con respecto ao doutras comunidades autónomas
Estas imágenes pertenecen a Página Oficial de la Xunta de Galicia
Santiago de Compostela, 10 de xullo de 2024
A conselleira do Medio Rural, María José Gómez, acompañada polo director xeral de Gandaría, Agricultura e Industrias Agroalimentarias, José Balseiros, mantivo hoxe unha reunión con representantes da Federación Nacional de Industrias Lácteas (Fenil) para abordar vías de colaboración a prol da estabilidade do sector lácteo galego e analizar as dificultades do mesmo, buscando solucións que favorezan a rendibilidade de toda a cadea de valor.
A conselleira trasladou de novo a súa petición para acadar un compromiso da Fenil para manter os prezos do leite que perciben os produtores en valores estables. Ademais, tamén reiterou a importancia de que se reduza o diferencial do prezo do leite galego con respecto ao doutras comunidades autónomas. Os gandeiros galegos, insistiu a titular do Medio Rural, non poden seguir na situación actual cun valor máis baixo do seus produtos, pese á súa excelente calidade e as súas condicións hixiénico-sanitarias.
Esta reunión, despois da mantida onte mesmo con representantes das principais cadeas de distribución que operan en Galicia, busca avanzar na consecución dun obxectivo, o de conseguir un sector lácteo galego forte e á vangarda. Galicia produce actualmente o 42% do leite de vaca en España, cunha produción que segue a medrar nos últimos anos, concretamente preto dun 5% no 2023 e case un 13% desde o 2018, polo que é importante seguir traballando a prol deste eido produtivo.
Ademais, ao Ministerio de Agricultura trasladóuselle a esixencia para que se respecte e se cumpra a Lei da cadea alimentaria para garantir o equilibrio na cadea de valor, como se vén pedindo desde Galicia desde fai tempo.
