A residencia de maiores da Xunta nas Gándaras, en Lugo, celebra a festa do verán con música e maxia
![Imagen del artículo A residencia de maiores da Xunta nas Gándaras, en Lugo, celebra a festa do verán con música e maxia](https://govclipping.com/uploads/images/99607-govclipping-espana-galicia-notas-prensa.webp)
Estas imágenes pertenecen a xunta.gal
Lugo, 26 de xuño de 2024
A residencia de maiores das Gándaras (Lugo), xestionada pola Xunta, celebrou hoxe a Festa do Verán, que incluíu actuacións de música e maxia e outra programación de ocio para os usuarios.
O delegado territorial de Lugo, Javier Arias, participou nalgunha das actividades. Puxo en valor o sistema de atención aos maiores nos centros públicos autonómicos e afirmou que a Consellería de Política Social e Igualdade está a impulsar a modernización da rede de residencias para implantar servizos de vangarda. No caso das Gándaras, Arias lembrou que a Xunta investirá 7 millóns de euros para acometer unha reforma integral.