A Xunta inviste 60.000 euros na mellora de infraestruturas turísticas de Folgoso do Courel
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O delegado territorial, Javier Arias, explica que o concello foi beneficiario das axudas de 2023 e 2024 para mellorar puntos de interese turístico como as rutas de sendeirismo dos Sequeiros de Mostad e da Mina da Toca
- Arias informou da resolución da última convocatoria deste programa de subvencións da Axencia de Turismo de Galicia, que achega case 150.000 euros a cinco municipios da Zona Sur
Estas imágenes pertenecen a Página Oficial de la Xunta de Galicia
Folgoso do Courel (Lugo), 3 de xuño de 2024
A Xunta destina preto de 60.000 euros a financiar proxectos de mellora de infraestruturas turísticas en Folgoso do Courel a través das dúas últimas convocatorias de axudas da Axencia de Turismo de Galicia para acondicionar elementos que supoñen un atractivo para os concellos.
O delegado territorial de Lugo, Javier Arias, acompañado da alcaldesa do Courel, Lola Castro, comprobou o resultado das actuacións realizadas na ruta de sendeirismo dos Sequeiros de Mostad. Explicou que foron financiadas pola Xunta con cargo ás subvencións do ano pasado, xunto con outras intervencións levadas a cabo na ruta de sendeirismo da Mina da Toca e na contorna da ponte acueduto do Arco da Veiga.
Os traballos executados nestes espazos incluíron a adecuación de camiños e accesos, a renovación da sinalización direccional e a instalación de paneis de madeira con teito que conteñen información sobre as rutas.
Arias tamén informou da resolución da orde deste ano, que achega 30.000 euros ao Concello de Folgoso do Courel para seguir traballando na restauración e sinalización dos seus recursos patrimoniais. As novas propostas de mellora céntranse na ponte de pedra de Lousadela e nos miradoiros de Pico Polín e Vidallón.
O delegado explicou que en toda a Zona Sur as axudas concedidas en 2024 a través deste programa suman case 150.000 euros e benefician a cinco concellos. Así, Bóveda, Quiroga, Sober e Taboada tamén mellorarán puntos de interese turístico co apoio da Xunta.
Con esta liña de subvencións destinadas a municipios de menos de 10.000 habitantes, o Goberno galego busca o impulso e consolidación turística do rural galego ao tempo que promove a diversificación turística polo territorio. No conxunto da Comunidade, este ano foron beneficiarios 67 concellos cun investimento global de 2M€.
