Irekita dago osasun-arloko langileen prestakuntzarako bekak eta laguntzak eskatzeko epea 2023ko deialdirako
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
Laguntza horiek eskatzeko hilabete egongo da, irailaren 4tik urriaren 4ra.
Osasun Sailak irailaren 1ean argitaratu du Euskal Herriko Agintaritzaren Aldizkarian Osasuneko sailburuaren 2023ko uztailaren 4ko Agindua, 2023. urtean osasun-arloko profesionalak prestatzeko bekak eta laguntzak emateko deialdia egin eta arautzen duena. Laguntzen helburua da euskal osasun-sistemako langileek beren jardun profesionalean duten gaikuntza handitzea eta osasun-zerbitzuen kalitatearen hobekuntza sustatzea, osasun-kolektiboari prestakuntza gehiago emanez.
Aurreko urteetan bezala, Osasun Sailak atzerriko osasun-zentroetan edo osasun-ikerketako zentroetan graduondoko ikastaroak eta prestakuntza-egonaldiak egitea sustatzen du, prestakuntza-programa indibidualizatuak egiteko hainbat arlotan, hala nola, Kudeaketa Sanitarioa, Osasun Publikoa, Zainketa Aringarriak, Familiako eta komunitateko medikuntza, Integrazio Asistentziala, Suizidioa prebenitzeko estrategiak, Euskadiko plan onkologikoko ekintzak, Dementzia neurodegeneratiboak, Gaixotasun neuromuskularrak, Generoa eta osasuna, Eutanasia, Gaixotasun kardiobaskularrak, Zahartzea eta kronikotasuna, eta Bioetika.
