A Xunta completa a senda entre a intermodal de Santiago e San Caetano coa posta en servizo do paso inferior baixo a SC-20 e as novas ramplas accesibles
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Con estas intervencións, a senda conta cunha alternativa de baixada máis directa, a través das avenidas Rodríguez de Viguri e de Lugo, polo carril de servizo, ata o paso inferior, polo que poden baixar as bicicletas e conectar co itinerario
- Este itinerario ten unha lonxitude de 3,3 km e supuxo un investimento de 2,4M€
- Este treito forma parte do Eixo de Mobilidade Sostible de Santiago, que unirá O Milladoiro, a intermodal, San Caetano e o Hospital Clínico, supoñendo case 10,5 km de traxecto e un orzamento global de máis de 11M€
Estas imágenes pertenecen a Página Oficial de la Xunta de Galicia
Santiago de Compostela, 24 de agosto de 2025
A Xunta completa a nova senda peonil e ciclista entre a estación intermodal de Santiago de Compostela e San Caetano, coa posta en servizo do paso inferior baixo a SC-20 e coas novas ramplas accesibles.
Con estas intervencións, a senda conta agora cunha nova alternativa de baixada máis directa, que é a través das avenidas Rodríguez de Viguri e de Lugo, polo carril de servizo, ata o paso inferior, polo que poden baixar as bicicletas e conectar co itinerario.
Este percorrido ten unha lonxitude de 3,3 km e supuxo un investimento autonómico de 2,4 millóns de euros.
Trátase dunha senda que comunica a intermodal con San Caetano conectando varios espazos de interese da cidade como as Brañas do Sar, o barrio de Fontiñas, centros formativos e deportivos ou áreas comerciais. Cabe sinalar que este traxecto pode realizarse en bicicleta en tan só 12 minutos.
O itinerario forma parte do Eixo de Mobilidade Sostible de Santiago que, unha vez que estea rematado unirá O Milladoiro, a intermodal, San Caetano e o Complexo Hospitalario Universitario. Este percorrido vertebrará a cidade e suporá case 10,5 km de sendas peonís e ciclistas e suporá un investimento de máis de 11M€, que a Xunta cofinancia con fondos europeos Next Generation.
