Portos de Galicia autoriza ao Club Náutico de Beluso a ocupación de 20 departamentos e servizos múltiples para pañol e vestiarios da escola de vela
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Con este trámite, o ente público, dependente da Consellería do Mar, renova á entidade deportiva este permiso por outros catro anos
Santiago de Compostela, 03 de agosto de 2025
Portos de Galicia, vén de outorgar a autorización administrativa que lle permite ao Club Náutico de Beluso a ocupación de 20 departamentos e servizos múltiples de titularidade do ente público para o desenvolvemento da actividade de pañol e vestiarios da escola de vela. En total, 259 metros cadrados.
Con este trámite, o ente público, dependente da Consellería do Mar, renova á entidade deportiva este permiso por outros catro anos. O título administrativo contempla a aplicación da Lei 6/2003, de 9 de decembro, no que respecta ás taxas, prezos e exaccións reguladoras da Comunidade Autónoma de Galicia.
O porto de Beluso atópase a 1,5 quilómetros de Bueu. Dispón dunha superficie de 56.772 metros cadrados, dos que 12.711 son terrestres e 44.061 de lámina de auga. Está protexido por un dique de abrigo duns 200 metros de lonxitude, formado por dúas aliñacións. A primeira, duns 130 metros e, a segunda, formando un ángulo de 50º respecto á aliñación anterior, dispón dunha lonxitude de 70 metros. Desde o vial anexo á primeira aliñación do dique accédese a tres pantaláns de atraque de embarcacións, dos que os dous primeiros son de uso náutico-deportivo e o terceiro de uso pesqueiro. Conta cunha explanada duns 6.900 m2, sobre a que se atopan dúas áreas de aparcadoiro, cun total de 55 prazas.
