O Porto Náutico de Portosín loce bandeira azul e os distintivos de Q de Calidade e S de Sostibilidade na súa aposta pola promoción do turismo náutico
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Xosé Merelles participou no acto de izado e tamén na bendición de novas embarcacións de recreo do Real Club Náutico de Portosín
Porto do Son (A Coruña), 2 de agosto de 2025
O director de Turismo de Galicia, Xosé Merelles, asistiu hoxe ao izado no Real Club Náutico de Portosín da bandeira azul, que a institución recibe por 34 ano consecutivo, así como das distincións Q de Calidade Turística e S de Sostibilidade Turística, concedidas por 12 e segunda vez. Ademais, tamén se bendiciron 16 novas embarcacións de recreo. Xosé Merelles salientou "a aposta destas instalacións pola calidade que redunda nunha mellor oferta de turismo náutico da comunidade".
O director de Turismo de Galicia, Xosé Merelles, lembrou que a aposta por un turismo de calidade é un dos eixos de traballo do seu departamento. Esta aposta ten nas distintas certificacións unha ferramenta clave, que axuda a recoñecer a singularidade da oferta de establecementos e servizos turísticos. Desde a Axencia convócanse anualmente axudas para a súa consecución.
Ademais, Merelles destacou o traballo en favor dos portos deportivos, esenciais para a oferta de deportes náuticos da comunidade. En 2024, destináronse máis de 3M€ para a mellora das infraestruturas dos portos deportivos, con orixe nos fondos Next Generation. Destes, máis de 1,5M€ destináronse ao acondicionamento dos portos da Ruta Traslatio, mentres que os 1,5M€ restantes foron para o resto de portos deportivos, para melloras en condicións de eficiencia enerxética, accesibilidade e modernización.
Bandeiras azuis en Galicia
En total, 12 portos de Galicia recibiron o distintivo ambiental de bandeira azul en 2025. Destes, catro están situados na provincia da Coruña, sete en Pontevedra e un en Lugo. Ademais, recoñecéronse 108 praias con esta distinción, así como 17 centros azuis, o que fai un total de 137 bandeiras azuis na comunidade. No referente ás certificacións Q de Calidade Turística e S de Sostibilidade Turística, 19 e 18 portos deportivos da comunidade contan con este recoñecemento.
