A Confraría de Pescadores de Laxe pon en valor a pesca artesanal nas IV xornadas, apoiadas por Mar
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
Laxe (A Coruña), 2 de agosto de 2025
A lonxa de Laxe viviu este domingo o último día das IV xornadas de pesca artesanal co nomeamento dos Embaixadores dos Pescados e Mariscos como acto central. O encontro contou coa asistencia da directora xeral de Desenvolvemento Pesqueiro, Ángeles V. Suárez, quen, en nome da Consellería do Mar, puxo en valor o extraordinario potencial alimenticio que ofrece o litoral galego, pois, da man dun sector comprometido coa sostibilidade, supón unha fonte xeradora de produtos de altísima calidade e representa a un dos piares máis importantes da economía galega.
O recoñecido presentador da Galega, Arturo Fernández, e o cociñeiro, Iván Domínguez, recolleron este distintivo, que outorga desde hai catro anos a confraría de pescadores a persoeiros cun profundo compromiso coa vila mariñeira e coa súa actividade marítimo-pesqueira. Showcookings, poxas en directo, degustacións de navalla e longueirón, e actividades para os máis pequenos, completaron o programa desta edición que, novamente, contou coa colaboración económica da Xunta de Galicia.
