A Xunta avanza no estudo para a mellora da AC-544 en Ames, co fin de reforzar a seguridade viaria nesta estrada ao seu paso polo municipio
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Trátase de definir actuacións de mellora no treito da AC-544 que parte do enlace coa AG-56, no punto quilométrico 1+130, e o 7+300
- O obxectivo da Xunta é presentar en setembro ao Concello de Ames o estudo para, en base a diagnose técnica, avaliar as posibles propostas de actuación no ámbito
- O traballo desenvolvese no marco da estratexia de actuación en treitos de concentración de accidentes e treitos de alto potencial de mellora en vías autonómicas, na que a Xunta investirá máis de 23,5 M€ no período 2024-2027
Estas imágenes pertenecen a Página Oficial de la Xunta de Galicia
Santiago de Compostela, 31 de xullo de 2025
A Consellería de Vivenda e Planificación de Infraestruturas avanza no estudo para a redacción do proxecto de mellora da AC-544 no concello de Ames, co obxectivo de reforzar a seguridade viaria nesta estrada autonómica ao seu paso polo municipio.
Trátase dunha das estradas incluídas no contrato para a redacción do proxecto de mellora da seguridade viaria da Axencia Galega de Infraestruturas (AXI) en distintas vías autonómicas situadas na zona sur da provincia da Coruña. Este contrato se está a desenvolver no marco da estratexia de actuación en treitos de concentración de accidentes e treitos de alto potencial de mellora na rede viaria de titularidade autonómica, no que a Xunta investirán máis de 23,5 M€ no período 2024-2027.
Neste caso, a orde de estudo persegue a definición de detalle de actuacións de mellora no treito da estrada AC-544 no concello de Ames, no tramo que parte do enlace coa AG-56, no punto quilométrico 1+130, e o 7+300, con motivo dos accidentes rexistrados nos últimos meses e atendendo tamén á preocupación transmitida polo Concello.
Con este estudo, entre outros aspectos, trátase de considerar o desenvolvemento dun proxecto que inclúa posibles medidas de acondicionamento de marxes, de mellora da sinalización, balizamento e defensas, de mellora dos accesos e interseccións ou de mellora dos pasos de peóns.
O obxectivo da Xunta é presentar ao Concello de Ames o proxecto este vindeiro mes de setembro, para valorar a diagnose técnica que se realice e as posibles propostas de actuación.
