Medio Rural informa da situación dos lumes forestais con datos recollidos ata as 21.00 h. de hoxe
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Activo un incendio forestal no concello lucense de Carballedo, parroquia de San Mamede de Lousada, que segundo as últimas estimacións provisionais supera as 20 hectáreas
- Estabilizado un incendio forestal rexistrado hoxe no concello pontevedrés de Meaño, parroquia de Xil, que afecta unha superficie de 60 hectáreas arboradas
- Quedou controlado o lume da localidade pontevedresa de Salvaterra de Miño, parroquia de Pesqueiras, que afecta unha superficie de 47 hectáreas arboradas
- Continúa decretada a Situación 2 no incendio forestal de Arbo, parroquia homónima. Esta situación operativa de emerxencia declárase pola proximidade do lume aos núcleos de poboación de O Pedreiro e O Urzal
Santiago de Compostela, 29 de xullo de 2025
A Consellería do Medio Rural informa da situación dos incendios forestais rexistrados en Galicia con datos recollidos ata as 21.00 horas de hoxe martes.
Activo Carballedo-San Mamede de Lousada
Está activo, dende as 16.41 horas de hoxe, un incendio no concello lucense de Carballedo, parroquia de San Mamede de Lousada, que segundo as últimas estimacións provisionais supera as 20 hectáreas. Polo de agora mobilizáronse para a súa extinción 6 axentes, 11 brigadas, 10 motobombas, 1 pa, 3 helicópteros e 3 avións.
Estabilizado Meaño-Xil
Ás 20.07 horas de hoxe quedou estabilizado o incendio forestal do municipio pontevedrés de Meaño, parroquia de Xil, que segundo as últimas estimacións afecta unhas 60 hectáreas de superficie arborada. O lume iniciouse ás 00.11 horas desta madrugada e para a súa extinción mobilizáronse, polo de agora, 7 axentes, 12 brigadas, 14 motobombas, 3 pas, 4 unidades técnicas de apoio, 4 helicópteros e 3 avións.
Controlado Salvaterra-Pesqueiras
Está controlado dende as 20.48 de hoxe o lume do concello pontevedrés de Salvaterra de Miño, parroquia de Pesqueiras, que segundo as últimas estimacións afecta unhas 47 hectáreas de superficie arborada. O incendio comezou ás 15.45 horas de onte, luns, e polo de agora mobilizáronse para a súa extinción 16 axentes, 24 brigadas, 19 motobombas, 3 pas, 4 técnicos, e 1 unidade técnica de apoio.
Situación 2 Arbo-Arbo
Continúa decretada a Situación 2 no incendio forestal de Arbo, parroquia homónima. Esta situación operativa de emerxencia declárase pola proximidade do lume aos núcleos de poboación de O Pedreiro e O Urzal. O incendio iniciouse ás 18.23 horas de hoxe e segundo as primeiras estimacións afecta unha superficie de 8 hectáreas. Polo de agora mobilizáronse para a súa extinción 1 técnico, 4 axentes, 10 brigadas, 6 motobombas e 2 helicópteros.
A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais que acadan as 20 hectáreas poderá ser consultada na conta aberta de X (antigo twitter): @incendios085.
