A Xunta adxudica por 3,8 M€ a redacción do proxecto e da dirección da obra da fase final do Plan director do Complexo Hospitalario Universitario de Ferrol
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O contrato será asinado a finais deste mes de xullo ou principios de agosto, co fin de poder iniciar os traballos
- O orzamento estimado das obras da fase final máis a fase previa do Complexo Hospitalario Universitario de Ferrol acada os 87 M€
- Trátase de afrontar as actuacións máis importantes das fases 2 e 3 do Plan Director do complexo, como a renovación da hospitalización no Hospital Arquitecto Marcide; o bloque cirúrxico, tanto no hospital Naval como no Marcide; ou as novas consultas externas
Estas imágenes pertenecen a Página Oficial de la Xunta de Galicia
Santiago de Compostela, 19 de xullo de 2025
A Xunta adxudica por 3,8M€ a redacción do proxecto e a dirección de obra da fase final do Plan director do Complexo Hospitalario Universitario de Ferrol (CHUF).
O contrato, adxudicado á empresa López Fando y Asociados, S.L.P, será asinado a finais deste mes de xullo ou principios de agosto, co fin de poder iniciar os traballos.
O orzamento estimado das obras da fase final máis a fase previa do Hospital de Ferrol acada os 87 M€.
A superficie de actuación é de 5.747 m2 no Hospital Naval, e de 35.366 m2 no Arquitecto Marcide para esta Fase Final, incluíndo as superficies de actuación na súa fase previa.
Trátase de afrontar as actuacións máis importantes das fases 2 e 3 do Plan Director do complexo hospitalario. Entre elas, destaca a renovación da hospitalización existente no Hospital Arquitecto Marcide, que implicará que tras a execución da fase 1 e da fase final se incremente nun 22% o número de camas; o bloque cirúrxico, tanto no hospital Naval como no Marcide; ou as novas consultas externas.
Tamén se inclúen outras intervencións como o Hospital de día onco-hematolóxico, a unidade de dor e os laboratorios.
En relación aos prazos de execución das obras, estímase en 12 meses para os traballos previos, e en 36 meses para a Fase Final.
Cómpre lembrar que os proxectos se elaborarán en base ao Plan Director do CHUF e ao Plan Funcional revisado, que mantén os criterios xerais establecidos. O Complexo Hospitalario constará así de tres edificios con destinos asistenciais
En concreto o Hospital Arquitecto Marcide, está orientado a pacientes complexos con servizo de urxencias, quirófanos con ingreso e unidades críticas; o Hospital Naval, orientado a pacientes crónicos, rehabilitación, saúde mental e actividade ambulatoria tanto en consultas como en quirófanos; e o Hospital Nóvoa Santos, de apoio docente e investigación e ámbito socio-sanitario.
