Asturias interésase polas ferramentas informáticas de xestión forestal de Galicia
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
Santiago de Compostela, 16 de xullo de 2025
O director xeral de Planificación e Ordenación Forestal, José Luis Chan, mantivo hoxe un encontro co director xeral de Xestión Forestal do Principado de Asturias, Javier Vigil, e co seu equipo, co obxectivo de dar a coñecer as ferramentas informáticas de xestión forestal implantadas na nosa comunidade en materia de tramitación telemática das cortas de madeira, a xestión de contratos menores e concursos. Os responsables asturianos mostraron así o seu interese por estes recursos, que valoraron moi positivamente e que son adaptables á súa realidade forestal.
Na reunión tamén se avaliou o desenvolvemento informático vinculado á xestión forestal no marco do Plan de simplificación e dixitalización administrativa impulsada pola Consellería do Medio Rural, que se atopa incluído dentro do Plan Forestal de Galicia 2021-2040.
