Medio Rural reforza o seu apoio ao sector do cereal con xornadas divulgativas en Xinzo de Limia sobre novas variedades de inverno
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Este evento, organizado polo Centro de Investigacións Agrarias de Mabegondo, dependente da Consellería, tivo como obxectivo dar a coñecer ao sector as novas variedades recentemente rexistradas e impulsar a renovación varietal nesta comarca
- Durante a xornada, o investigador responsable do ensaio, Luis Urquijo, expuxo o desenvolvemento das diferentes variedades e presentou os datos recollidos ao longo deste 2025
- Ata o momento testáronse un total de 11 variedades de trigo, tres liñas semienanas e catro variedades de centeo híbrido
Estas imágenes pertenecen a Página Oficial de la Xunta de Galicia
Xinzo de Limia (Ourense), 12 de xullo de 2025
A Consellería do Medio Rural, a través do Centro de Investigacións Agrarias de Magebondo (CIAM), organizou no concello ourensán de Xinzo de Limia as Xornadas Genvce, o Grupo para a Avaliación de Novas Variedades de Cultivos Extensivos en España, co obxectivo de dar a coñecer ao sector dos cereais as novas variedades recentemente rexistradas e impulsar a renovación varietal nesta comarca.
Durante a xornada, o investigador responsable do ensaio, Luis Urquijo, expuxo o desenvolvemento das diferentes variedades e presentou os datos recollidos ao longo deste 2025. Ademais, os asistentes ao evento tiveron a oportunidade de observar as diferenzas entre variedades en aspectos como a sensibilidade ás enfermidades, a altura das plantas, a densidade das espigas e a maduración do gran, podendo facer unha estimación da rendibilidade das variedades mostradas. Esta interacción permitiu tamén recoller as impresións, necesidades e preferencias dos agricultores da zona.
Ata o de agora, neste ano testáronse un total de 11 variedades de trigo e tres liñas semienanas desenvolvidas no propio centro, todas procedentes dun programa de mellora xenética. Tamén se analizaron catro variedades de centeo híbrido.
Cómpre lembrar que o CIAM vén realizando ensaios no marco da Rede Genvce desde o ano 2001, co fin de avaliar a adaptabilidade das novas variedades de cereais de inverno en Galicia.
