A Xunta destaca o deporte urbano como patrimonio galego atendendo aos recentes éxitos e a eventos como 'Compostela Street'
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O secretario xeral para o Deporte destaca os grandes fitos deportivos conseguidos por Carlos Martínez e Marta Canella no baloncesto 3x3, David Amor e Alicia Babarro no breaking ou Julia Benedetti no skate
Estas imágenes pertenecen a Página Oficial de la Xunta de Galicia
Santiago, 10 de xullo de 2025
O secretario xeral para o Deporte, José Ramón Lete Lasa, acompañado da directora xeral de Xuventude, Lara Meneses, participou na mañá de hoxe na presentación do Festival Internacional de deportes urbanos 'Compostela Street' que terá lugar entre o 19 e o 21 de setembro en Santiago. O mandatario galego asegurou que as disciplinas urbanas reflicten un "deporte renovado, igualitario, amable e con futuro" no que os deportistas galegos demostran un gran nivel con éxitos nacionais e internacionais. Neste sentido destacou como Carlos Martínez vén de proclamarse campión do mundo de baloncesto 3x3, unha especialidade na que Marta Canella tamén foi campioa de Europa en 2021. Así mesmo, destacou a dous campións de España de breaking como David Amor e Alicia Babarro, candidata a representar a España nos Xogos Olímpicos da Xuventude de Dakar 2026; ou a Julia Benedetti que con tan só 20 anos xa participou en dúas citas dos Xogos Olímpicos en skate.
Lete Lasa subliñou a grande aposta que está a realizar a Xunta de Galicia nos últimos anos por estes deportes tanto coa posta en marcha de proxectos orientados á súa promoción -como a Federación Galega de Baile Deportivo ou as ligas galegas de breaking e de hip hop-, así como coa posta en marcha de numerosas instalacións deportivas -skate parks, pump tracks ou bowls- ao longo de toda a xeografía galega. Así tamén lembrou a importancia de eventos como 'Compostela Street' que nace para reforzar esta posición de Galicia como territorio punteiro nos deportes urbanos e que recolle o legado doutras experiencias nas que sempre estivo vinculada a Xunta de Galicia, como 'O Marisquiño', o 'Pulpo Extreme' ou o 'Rompetiño Jump' que vén de celebrar a súa edición de 2025.
Estas novas formas de expresarse deportivamente son imprescindibles para Galicia xa que das 320.000 licenzas deportivas coas que conta a nosa comunidade, máis do 40% corresponden a rapaces e rapazas de entre 6 e 16 anos, cuxo seguro deportivo sufraga a Xunta. "Isto nos fai confiar na consecución desa sociedade activa e saudable para a que tanto traballamos", apuntou.
