A Xunta de Galicia investirá 1,3 millóns de euros nas obras de dragaxe dos portos de Barallobre, Miño e Pontedeume
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A conselleira do Mar, Marta Villaverde, anunciou nunha visita ao peirao eumés o inicio do procedemento de licitación dos traballos por parte de Portos de Galicia, que contan cun prazo de execución de 9 meses
- Dada a súa proximidade e características as tres actuacións comparten zona de vertedura no Golfo Ártabro e desenvolveranse en base a un proxecto conxunto que está a disposición dos licitadores na plataforma Contratos de Galicia
Estas imágenes pertenecen a Página Oficial de la Xunta de Galicia
Santiago de Compostela, 9 de xullo de 2025
A Xunta de Galicia investirá 1,3 millóns de euros nas obras de dragaxe dos portos de Barallobre-Maniños (Fene), Miño e Pontedeume. Así o confirmou esta mañá a conselleira do Mar, Marta Villaverde, nunha visita ao peirao eumés na que estivo acompañada polo presidente de Portos de Galicia, José Antonio Álvarez.
A conselleira anunciou o inicio do procedemento de licitación das obras e informou de que desde hoxe está aberto o prazo para a presentación de ofertas para a execución dos traballos nos tres portos que se desenvolverán en base a un proxecto conxunto, dadas as súas características e proximidade. Así mesmo, as tres dragaxes compartirán punto de vertido dos áridos no Golfo Ártabro. O importe da licitación é de 940.000 euros, aos que se suman 120.000 euros máis dos estudios ambientais previos e 235.000 do programa de vixilancia ambiental.
Marta Villaverde lembrou que os traballos permitirán recuperar os calados que mellorarán a operatividade das dársenas en condicións de seguridade. As obras terán un prazo de execución de 9 meses unha vez iniciadas. En total nos tres portos dragarase un volume total estimado en preto de 38.000 metros cúbicos de áridos. Para a execución das obras está previsto o emprego dunha draga de culler que transportará o material extraído ata o punto de vertedura en alta mar.
En concreto, no porto de Maniños-Barallobre dragarase ata a cota -2 metros na zona de pantaláns, e ata a cota -3 metros baixo o dique flotante e a barreira de protección das ondas. A superficie de dragaxe é de 9.500 metros cadrados e o volume estimado é de 6.715 metros cúbicos. O importe desta actuación será de 140.000 euros. Polo que respecta ao porto de Miño dragarase o interior da dársena ata a cota -1 metro. A superficie de dragaxe é de 8.000 metros cadrados e o volume estimado é de 15.000 metros cúbicos. O orzamento da actuación será de 413.000 euros. Finalmente, en Pontedeume proxéctase a dragaxe da zona do peirao pesqueiro ata a cota -3 metros, e da zona entre a rampla da Casa do Mar e o peirao pesqueiro, ata a cota -1 metro. A superficie de dragaxe é de 14.000 metros cadrados e o volume estimado é de 16.000 metros cúbicos. O orzamento ascende a 387.000 euros.
Presentación de ofertas ata o 4 de agosto
Durante a visita, a conselleira do Mar lembrou tamén que os documentos e pregos do concurso están dispoñibles para os interesados na plataforma de Contratos de Galicia, no perfil do contratante, e na páxina web oficial de Portos de Galicia, www.portosdegalicia.gal. Os licitadores terán de prazo ata o día 4 de agosto para presentar as súas ofertas.
Segunda fase de Cariño
Finalmente, Marta Villaverde anunciou que nos vindeiros días Portos de Galicia licitará tamén as obras da dragaxe de mantemento do porto de Cariño. O ente público investirá 180.000 euros nesta actuación que complementa a xa executada, por importe de 600.000 euros.
