A Xunta destaca o papel das mulleres no sector do mar e o seu liderado para afrontar os retos presentes e futuros da actividade pesqueira en Galicia
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A directora xeral de Desenvolvemento Pesqueiro subliñou a crucial contribución das profesionais en ámbitos como a reparación dos aparellos de pesca, o marisqueo ou na industria conserveira
- O proxecto, que está financiado pola Consellería do Mar a través do Grupo de Acción Local do Sector Pesqueiro A Mariña- Ortegal, ten como obxectivo visibilizar o papel das mulleres e analizar a realidade da cadea mar-industria e o seu impacto no territorio
Estas imágenes pertenecen a Página Oficial de la Xunta de Galicia
Cariño (A Coruña), 9 de xullo de 2025
A directora de Desenvolvemento Pesqueiro, Ángeles V. Suárez, participou hoxe na xornada final do proxecto Miranda. Mirada ao mar, promovido pola Asociación Profesional de Redeiras de Cariño. O evento, que tivo lugar na Casa do Concello da localidade coruñesa, reuniu aos colectivos de mariscadoras, redeiras e traballadoras da conserva da vila, co obxectivo de poñer en valor o legado destas profesións e o que supoñen no marco da actividade pesqueira da vila.
Alí, a directora xeral destacou o papel das mulleres no sector do mar, tradicionalmente invisibilizado, e resaltou o seu liderado á hora de enfrontar os retos presentes e futuros da pesca. Nesta liña, valorou moi positivamente esta iniciativa, financiada pola Consellería do Mar a través do Grupo de Acción Local do Sector Pesqueiro (Galp) A Mariña- Ortegal, que ten como finalidade valorizar a actividade marítimo-pesqueira como elemento tractor e dinamizador da economía local e o desenvolvemento das zonas costeiras.
Ángeles V. Suárez subliñou a crucial contribución das profesionais en ámbitos como a reparación dos aparellos de pesca, o marisqueo ou na industria conserveira no que teñen unha presenza maioritaria. Ademais, recordou que nos últimos anos as mulleres foron gañando espazo noutros espazos na industria pesqueira como é o caso dos postos de mando nos buques pesqueiros ou en postos de responsabilidade das entidades sectoriais ou nas empresas. Con todo, precisou que aínda hai camiño por percorrer no que, sector e Administración autonómica van da man.
O proxecto, que realiza un análises e diagnose da situación da actividade pesqueira nesta zona do territorio desenvolveu distintas actividades nas que as redeiras, mariscadoras e as mulleres da conserva tiveron un papel protagonista. Nelas, achegaron á e ao resto do sector pesqueiro as problemáticas que enfrontan, e posibles solucións a poñer en práctica.
Unhas accións que contribúen a abordar outro dos principais desafíos do sector como a remuda xeracional, divulgando nos centros de ensino as profesións vencelladas á actividade pesqueira aproximando á mocidade a estes oficios. Do mesmo xeito, a iniciativa adquiriu unha dimensión territorial abarcando ao conxunto da Mariña e Ortegal, focalizando e tendo como base o desenvolvemento profesional das redeiras, e o seu impacto a nivel local en Cariño.
