A Xunta concede axudas a empresas de Salvaterra de Miño por preto de 300.000 euros para fomentar os destinos enogastronómicos
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A delegada territorial da Xunta, Ana Ortiz, e a alcaldesa Marta Valcarcel visitaron este martes as Bodegas La Val
Vigo, 8 de xullo de 2025
A delegada territorial da Xunta en Vigo, Ana Ortiz, e a alcaldesa de Salvaterra de Miño, Marta Valcarcel, visitaron este martes as instalacións de Bodegas La Val para coñecer o novo proxecto de enoturismo que se beneficiará das axudas ao sector vitivinícola a través do Plan Territorial de Sostibilidade Turística (PSTD) Enogastronomía de Galicia 2023-2025. Este Plan conta cunha dotación total de 34,5M€, cofinanciados pola Unión Europea, a través do Mecanismo de Recuperación e Resilencia, que se destinan a tres actuacións de cohesión e 11 plans de sostibilidade turística en destino.
A representante autonómica explicou que dentro deste PSTD englóbase unha liña de axudas de 5,5M€ para establecementos con encanto en destinos enogastronómicos de Galicia, da que se acaba de facer pública a resolución. Preto de 300.000€ foron adxudicados a dúas empresas de Salvatera, as Bodegas La Val e a Bodega-Casa Rural María Bargiela.
Ana Ortiz destacou o papel do turismo enolóxico como ferramenta para impulsar un desenvolvemento sostible das áreas rurais e sinalou que a axuda a La Val é un exemplo das axudas do Goberno galego que fomentan o turismo e o emprego. Ademais, apuntou a singular posición de Galicia como destino único e de calidade neste campo.
Pola súa banda, Marta Valcárcel celebrou a implicación da Xunta nos dous proxectos do municipio e incidiu no feito do impulso "do turismo de interior vinculado á viticultura, un producto que para nós é moi importante e que forma parte da nosa seña de identidade como pobo, permitindo ás empresas seguir mellorando e adaptando as súas instalacións para acoller a máis visitantes".
O Diario Oficial de Galicia (DOG) xa publicou o pasado 16 de xuño a resolución da liña de axudas dotada de 5,5M€ para fomentar o turismo enogastronómico. En total, a Xunta financia 56 proxectos en toda Galicia que desenvolven iniciativas de embelecemento de establecementos de aloxamento, restauración e adegas, a posta en marcha de proxectos dixitais vinculados a recursos enogastronómicos ou a ampliación e mellora da capacidade de aloxamento para este tipo de turismo.
Por provincias, os proxectos financiados en A Coruña son 7, 10 na de Lugo, 20 en Ourense e 19 en Pontevedra. Os proxectos financiados van desde actuación de eficiencia enerxética como a instalación de aerotermia e solar fotovoltaica, melloras para ampliación da oferta enoturística, para a ampliación da capacidade aloxativa, e deseño, implantación e dixitalización de novas experiencias enoturísticas.
