A Xunta inicia a construción dun novo carril segregado na glorieta que une a VG4.1 coa PO-308 na Lanzada para axudar a desconxestionar o tráfico e favorecer a mobilidade na zona
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O Goberno galego prevé para finais deste mes de xullo o remate dos traballos, que non producirán afeccións na circulación
- Trátase da habilitación dun carril segregado na citada glorieta, para que os vehículos que veñen de Sanxenxo ata O Grove non teñan que atravesala e poder axilizar a circulación
- Esta actuación é froito da realización de estudos que indican que o punto de conflito do tráfico sentido O Grove é esta rotonda, que pola súa dimensión está funcionar como unha intersección en T
- A intervención que se está a acometer compatibiliza por un lado, a redución das retencións de tráfico, e por outro, o respecto a unha zona protexida da Rede Natura 2000
- A Xunta, de xeito paralelo, está a estudar unha solución máis global que abarque máis estradas da contorna para acadar unha maior fluidez no tráfico
Estas imágenes pertenecen a Página Oficial de la Xunta de Galicia
Sanxenxo (Pontevedra), 7 de xullo de 2025
A Xunta inicia a construción dun novo carril segregado na glorieta que une a VG4.1 coa estrada autonómica PO-308 na Lanzada, en Sanxenxo, para axudar a desconxestionar o tráfico e favorecer a mobilidade na zona.
A conselleira de Vivenda e Planificación de Infraestruturas, María M. Allegue, xunto co director da Axencia Galega de Infraestruturas, Francisco Menéndez, visitou hoxe esta actuación, cuxo remate se prevé para finais deste mesmo mes de xullo.
Allegue explicou que a Xunta, consciente das retencións de tráfico que se producen nesta zona, especialmente en verán e fins de semana, elaborou estudos que indican que o principal punto de conflito do tráfico sentido O Grove é a rotonda final da VG4.1 que a conecta coa PO-308, pois polas súas dimensións está a actuar como unha intersección en T.
Detallou que a partir destes datos se valorou executar unha actuación de rápida implantación que compatibiliza por un lado, o obxectivo da redución das retencións de tráfico, e por outro, o respecto a unha zona protexida da Rede Natura 2000.
Trátase da habilitación dun novo carril segregado na glorieta, para que os vehículos que veñen de Sanxenxo ata O Grove non teñan que atravesala e poder axilizar así a circulación.
Destacou que ao tratase dun carril segregado, os traballos que se están a levar a cabo para a súa execución non interferirán no tráfico nin provocarán afeccións importantes ao mesmo.
Salientou que o Goberno galego, ademais desta solución a curto prazo, está a analizar outra alternativa máis global, que abarque outras estradas autonómicas da contorna, co fin de acadar unha mobilidade máis fluída.
A Xunta segue dando pasos para ofrecer solucións eficaces e sostibles no ámbito das infraestruturas, traballando para reforzar a seguridade viaria nas estradas autonómicas e mellorar as comunicacións.
