Medio Rural pon en valor o selo de Artesanía Alimentaria como exemplo de calidade e coidado na elaboración do produto
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A titular deste departamento realizou unha visita á xeadería Xearte Brigitte, en Santiago de Compostela, unha das tres empresas galegas que elaboran xeados amparados baixo este distintivo, que xa reúne a 113 operadores
- María José Gómez explicou que este selo certifica a elaboración, manipulación e transformación dos produtos alimentarios de xeito respectuoso co medio ambiente e controlado en todos os procesos pola persoa artesá
- Con esta certificación protéxese a calidade alimentaria, coa que se procura promover e protexer as producións e elaboracións que "conforman e definen a nosa identidade"
- Actualmente están vixentes 26 normas técnicas que inclúen derivados lácteos como o iogur, queixo, requeixo, xeados e derivados cárnicos, sidra ou cervexa, entre outros
Estas imágenes pertenecen a Página Oficial de la Xunta de Galicia
Santiago de Compostela, 7 de xullo de 2025
A conselleira do Medio Rural, María José Gómez, acompañada polo director da Axencia Galega da Calidade Alimentaria, Martín Alemparte, realizou hoxe unha visita á xeadería Xearte Brigitte, que xunto a Flor de Leite S.L e Seixas Indulac S.L son as únicas xeaderías recoñecidas actualmente co selo de Artesanía Alimentaria, selo que na actualidade ten 113 operadores inscritos e outros 16 en tramitación. Durante a visita puxo en valor este distintivo como exemplo da calidade e do coidado das persoas artesáns á hora de elaborar o produto.
Gómez recoñeceu o labor de Brígida Hermida, a mestra xeadeira de Xearte Brigitte, unha enxeñeira agrónoma con experiencia laboral no sector lácteo que decidiu emprender neste eido. Así, puxo de relevo a aposta desta empresa pola calidade, ao empregar materia prima natural de proximidade, e ao elaborar os seus produtos baixo o selo Artesanía Alimentaria.
Este selo, impulsado pola Axencia Galega da Calidade Alimentaria, certifica a elaboración, manipulación e transformación dos produtos alimentarios de xeito respectuoso co medio ambiente e controlado en todos os procesos pola persoa artesá. Deste xeito, garante un produto final individualizado, seguro dende o punto de vista hixiénico-sanitario e de calidade, con características diferenciais, obtido en pequenas producións controladas, explicou a conselleira.
Con esta certificación -dixo- protéxese a calidade alimentaria coa que se procura promover e protexer as producións e elaboracións que "conforman e definen a nosa identidade". Gómez lembrou que Galicia foi unha comunidade autónoma pioneira na regulación dunha marca destas características, así como na creación de diversas normas técnicas e dos distintivos identificadores.
O selo Artesanía Alimentaria púxose en marcha no ano 2020 baixo un triplo obxectivo, co fin de crear un sector estruturado, que responda ás regras establecidas pola Unión Europea, e para protexer aos artesáns alimentarios ante etiquetaxes fraudulentas, poñendo en valor o seu bo facer. Ademais, favorece a creación de valor engadido económico e social, ao transformar a materia prima e conservar as elaboracións alimentarias tradicionais da cultura galega.
26 normas técnicas
Actualmente están vixentes 26 normas técnicas -12 delas aprobadas en abril deste mesmo ano, co obxectivo de reformar este selo e defender a produción de calidade-; que inclúen derivados lácteos como o iogur, queixo, requeixo e xeados, produtos cárnicos, sidra ou cervexa, entre outros.
Poden contar co selo de Artesanía Alimentaria produtos de orixe vexetal ou bebidas como o vermú, licores, augardentes; así como os zumes ou o hidromel. María José Gómez destacou que estes produtos "dan proba" da diversidade do agro galego e dos produtores, que traballan sempre baixo os máis altos estándares de calidade, salientou.
