A Xunta adxudica por preto de 200.000 euros os traballos de identificación e delimitación das zonas húmidas da demarcación Galicia-Costa
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O contrato, cun prazo de execución de 15 meses e cofinanciado con fondos NextGenerationUE, céntrase no estudo destas áreas, que reteñen de xeito natural a auga e teñen efectos positivos sobre os eventos de inundación e seca ao tempo que son fundamentais para o bo estado das masas de auga asociadas
- A empresa adxudicataria desenvolverá actuacións como un estudo piloto sobre o terreo para definir o método de caracterización e mostraxe destes espazos ou a elaboración dun inventario das presións e ameazas existentes na contorna
Estas imágenes pertenecen a Página Oficial de la Xunta de Galicia
Santiago de Compostela, 6 de xullo de 2025
A Xunta, a través do organismo hidráulico Augas de Galicia, adxudicou por importe de preto de 200.000 euros o servizo de apoio técnico nos traballos de identificación e delimitación das zonas húmidas con relevancia para o ciclo hidrolóxico na demarcación hidrográfica Galicia-Costa. O contrato, xa formalizado, céntrase no estudo destas áreas, que reteñen naturalmente a auga e teñen efectos positivos sobre os eventos extremos de inundación e seca, fundamentais ademais na consecución do bo estado das masas de auga asociadas.
O obxectivo principal é realizar os labores de caracterización e delimitación en campo das zonas húmidas con relevancia na demarcación hidrográfica Galicia-Costa mediante a realización de distintas actuacións como un estudo piloto sobre o terreo para acabar de definir o método de caracterización e mostraxe destas áreas relevantes e, de ser necesario, modificalo de acordo coa experiencia práctica. Esta acción piloto permitirá á empresa adxudicataria definir o xeito de caracterizar e clasificar as zonas húmidas.
O servizo, cun prazo de execución de 15 meses, tamén inclúe a realización dun inventario das presións e ameazas existentes na súa contorna, o deseño e elaboración dun sistema de información para o almacenamento da información recompilada e o establecemento dun réxime de protección aplicable pola administración hidráulica tendo en conta as consideracións legais aplicables ás zonas húmidas con relevancia para o ciclo hidrolóxico.
Deste xeito, Augas de Galicia avanza na adopción das medidas necesarias de xestión, protección e ordenación que aseguren a funcionalidade das áreas húmidas, potenciando a resiliencia dos sistemas acuáticos, así como na posibilidade de impulsar traballos de recuperación daqueles espazos húmidos que fosen transformados e presenten posibilidades de rehabilitación.
Este contrato, transcendental para coñecer e velar polo estado das masas de auga na demarcación hidrográfica Galicia-Costa, conta con financiamento da Unión Europea a través do Plan de Recuperación, Transformación e Resiliencia-NextGenerationEU.
