Mar contribúe á capacitación e competitividade do sector marítimo-pesqueiro de Ribeira, achegando nos últimos dous anos 155.000 € para a súa formación
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A conselleira, Marta Villaverde, visitou aos vinte alumnos do Curso de Mariñeiro de Ponte, unha das 26 accións que desenvolve o pósito co apoio da Xunta
- Esta iniciativa forma parte do paquete de axudas bianuais, co-financiadas pola FEMPA, e habilitadas polo Goberno galego, complementando con elo a formación que imparten os centros dependentes desta Consellería
Estas imágenes pertenecen a Página Oficial de la Xunta de Galicia
Ribeira (A Coruña), 5 de xullo de 2025
A Consellería do Mar impulsa a competitividade do sector marítimo-pesqueiro de Ribeira con distintas iniciativas formativas que contribúen á capacitación do seus profesionais, aportándolles mellores condicións laborais. A responsable deste departamento, Marta Villaverde, visitou este sábado o Curso de Mariñeiro de Ponte, incluído na liña de axudas 2024-2025 do Fondo Europeo Marítimo, de Pesca e de Acuicultura (FEMPA), a través da que o Goberno galego está a dirixir a este pósito 144.576 euros. Nesta acción, participaron un total de 20 persoas.
Unha colaboración económica, que permite o desenvolvemento dun total de 26 accións formativas como a indicada e outras relacionadas coa seguridade marítima, a formación sanitaria, a loita contra incendios, as embarcacións de supervivencia e de botes de rescate rápidos, de mariñeiro de máquinas, de condución segura, de equipos de manutención ou de custos indirectos.
Profesionalización do sector
A Consellería do Mar traballa da man das entidades do sector co fin de dar resposta ás súas necesidades como pode ser o relevo xeracional. En total, e con 1,5 millóns de euros, financia estas accións, que se complementan coa formación que tamén imparten os distintos centros dependentes deste departamento.
Así, ao longo do 2024 desenvolvéronse 20 cursos organizados por 6 organizacións pesqueiras dos que se beneficiaron 273 persoas, Estes venres reforzados na presente anualidade con 97 novas materias impartidas por 17 entidades entre as que destacan as confrarías de Ribeira, Noia, Burela, Porto do Son, Lira, Barallobre, O Grove ou a Cooperativa de Armadores de Pesca do Porto de Vigo.
Un esforzo colectivo que, segundo destacou a conselleira, fai posible ofrecer a mellor capacitación profesional ás persoas interesadas en desenvolver a súa vida laboral neste sector á vez que se afonda na súa competitividade e liderado a nivel europeo, garantindo o seu futuro como motor económico e de xeración de emprego na comunidade.
