A Xunta apoia con 7 M€ a 27 empresas innovadoras de base tecnolóxica que non lograron subvencións estatais
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Román Rodríguez anuncia unha nova convocatoria desta liña de axudas, a convocatoria de recuperación da excelencia Neotec
- O conselleiro visita en Nigrán a firma Vig Sec Drone, que desenvolve un software para coordinar vehículos tripulados e non tripulados no espazo aéreo para a xestión de emerxencias
Nigrán (Pontevedra), 3 de xullo de 2025
O conselleiro de Educación, Ciencia, Universidades e Formación Profesional, Román Rodríguez, visitou hoxe a empresa Vig Sec Drone que está a desenvolver co apoio da Xunta ACRE, un software para a coordinación de vehículos tripulados e non tripulados nun mesmo espazo aéreo compartido para a xestión de emerxencias.
En concreto, a Axencia Galega de Innovación apoia esta empresa de base tecnolóxica a través da liña de axudas de recuperación da excelencia Neotec, un instrumento que permite financiar a aquelas entidades que superaron os limiares mínimos establecidos na convocatoria estatal Neotec do Centro para o Desenvolvemento Tecnolóxico e a Innovación (CDTI) pero que non obtiveron financiamento por esa vía.
Neste sentido, o representante do Goberno galego aproveitou para anunciar a próxima convocatoria desta liña de axudas, que ten permitido apoiar con máis de 7 M€ desde 2021 a 27 empresas innovadoras de base tecnolóxica de nova creación e vocación de crecemento. Román Rodríguez destacou a contribución "ao fortalecemento do emprendemento innovador e á aceleración da transferencia de coñecemento desde os organismos de investigación públicos e as universidades".
O proxecto de Vig Sec Drone
Durante a visita, o conselleiro de Ciencia tivo ocasión de coñecer as instalacións e asistir a un voo de dron para ver de primeira man as vantaxes deste produto para os operadores de vehículos tripulados e non tripulados. Entre outras, ACRE permite optimizar o uso de recursos, aumentar a seguridade das operacións, reducir o custo das mesmas e o tempo necesario para a mitigación da emerxencia, así como mellorar e automatizar a integración e a distribución da información solicitada polas unidades participantes na emerxencia, o que redunda nunha mellora na toma de decisións.
