A Xunta sinala que a falta de infraestrutura eléctrica está a ser un freo para a descarbonización da industria
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O secretario xeral de Industria e Desenvolvemento Enerxético, Nicolás Vázquez, interveu hoxe na inauguración da xornada Descarbonización e economía circular na industria, organizada pola Confederación de Empresarios de Galicia (CEG)
- "O papel aguántao todo, pero os obxectivos fixados polo Estado no Plan Nacional Integrado de Enerxía e Clima (PNIEC) 2021-2030 son inalcanzables coas infraestruturas actuais", incide
Estas imágenes pertenecen a Página Oficial de la Xunta de Galicia
Santiago de Compostela, 3 de xullo de 2025
O secretario xeral de Industria e Desenvolvemento Enerxético, Nicolás Vázquez, sinalou hoxe que a falta de infraestrutura eléctrica está a ser un freo para evacuar a enerxía renovable que Galicia estaría en disposición de xerar e para dar resposta ás necesidades de interconexión dos novo proxectos industriais.
Nicolás Vázquez interveu hoxe na xornada Descarbonización e economía circular na industria, organizada pola Confederación de Empresarios de Galicia (CEG), onde volveu chamar a atención sobre a necesidade de que o Goberno reforce a rede de transporte de enerxía eléctrica en España.
"O papel aguántao todo, pero os obxectivos fixados polo Estado no Plan Nacional Integrado de Enerxía e Clima (PNIEC) 2021-2030 son inalcanzables coas infraestruturas actuais", incidiu o secretario xeral de Industria, quen avogou, tamén, por dar tempo ao tecido empresarial e ao sector industrial para adaptarse e evitar, así, unha transición enerxética abrupta. "Estanse pedindo unhas adaptacións ás empresas e ás industrias que son complicadas de alcanzar", remarcou.
Na súa intervención fixo referencia, ademais, á necesidade de seguir incrementando a porcentaxe de renovables e de facer pedagoxía para mellorar a percepción social destas tecnoloxías. Ao respecto, indicou que "Galicia ten a sorte de contar cun elevado potencial de enerxías renovables aínda que vemos con preocupación a situación que se está a dar coa oposición irracional dalgúns grupos políticos e colectivos".
Finalmente, a nivel da Unión Europea, Nicolás Vázquez, avogou por que se flexibilicen as normas de axuda para pemes e grandes empresas e por que se siga centralizando nas comunidades autónomas a xestión dos fondos comunitarios.
