A Xunta de Galicia inviste 80.000 euros na renovación dos pavimentos esgotados no porto de Ortigueira
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O presidente de Portos visitou os traballos executados no vial do Malecón e a explanada portuaria para a mellora da seguridade viaria
Ortigueira (A Coruña), 3 de xullo de 2025
Portos de Galicia investiu 80.000 na renovación de pavimentos esgotados no porto de Ortigueira, na provincia da Coruña. O presidente do ente público, José Antonio Álvarez, acompañado polo alcalde da localidade, Valentín Calvín, visitou esta mañá a zona para comprobar os traballos executados que permitirán mellorar a seguridade viaria na zona.
Esta actuación enmárcase nun plan global para 26 dársenas autonómicas no que Portos de Galicia inviste 1,6 millóns de euros para substituír e reforzar os pavimentos esgotados. No marco deste plan executaranse obras que inclúen a dotación de novas capas de firmes de reforzo, a reposición naquelas zonas nas que o pavimento fora esgotado e a reposición de firmes de formigón armado, ademais de labores de saneo de explanadas.
Como complemento destas actuacións, atenderase tamén a deixar a cota os pozos, arquetas e sumidoiros existentes e pintarase nova sinalización horizontal. Deste xeito, Portos de Galicia prevé mellorar a seguridade viaria de condutores e peón que transitan pola zona.
En concreto, no porto de Ortigueira actuouse no vial do Malecón e a explanada pública que ten uso de aparcadoiro público. En ambas zonas repúxose a capa de rodadura e a sinalización horizontal.
Avances na dragaxe de Espasante
Durante a súa visita ao municipio de Ortigueira, o presidente de Portos de Galicia insistiu tamén nos últimos avances na tramitación da obra de dragaxe de Espasante. Álvarez Vidal lembrou que o estudio de impacto ambiental da obra está en período de información pública desde o pasado 27 de xuño para que as persoas interesadas poidan presentar as alegacións que consideren oportunas. Este trámite supón un avance no desenvolvemento dunha actuación que ten como obxectivo recuperar o calado que permita mellorar a operativa portuaria en condicións de seguridade na dársena.
As obras contan cun orzamento estimado de 1,1 millóns de euros e o proxecto contempla o aproveitamento do material para aporte á praia da Concha, en Espasante, ao conservarse, deste xeito, o material sedimentario dentro do propio sistema do que é orixinario.
Autorización para o guindastre
Durante a súa visita a Ortigueira, o presidente de Portos de Galicia comunicou tamén ao alcalde que o ente público autorizou o uso dun guindastre de 10 toneladas para izada e baixada de embarcacións de recreo á asociación Porto de Ortigueira. Trátase dunha autorización por un prazo de 4 anos.
