A Xunta destaca a importancia do proxecto 'Twin NavAux' para o impulso de sectores como o naval, a automoción ou a aeronáutica
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O director xeral de Planificación Enerxética e Minas, Pablo Fernández Vila, participou na apertura institucional da xornada Tecnoloxías avanzadas nun xemelgo dixital intelixente, que contou coa presenza do experto en ciberseguridade, Chema Alonso
Vigo, 2 de xullo de 2025
O director xeral de Planificación Enerxética e Minas, Pablo Fernández Vila, subliñou esta mañá a necesidade de aproveitar as oportunidades que brinda a era dixital para impulsar a innovación e o progreso tecnolóxico en sectores fundamentais para a economía galega como son o naval, a automoción ou a aeronáutica.
"Un reto co que a Xunta de Galicia está firmemente comprometido a través da participación en proxectos como o Twin NavAux", subliñou no marco da apertura das xornadas celebradas hoxe en Vigo baixo o título Tecnoloxías avanzadas nun xemelgo dixital intelixente. Casos de éxito-Proxecto Twin NavAux.
Fernández Vila lembrou que o programa Twin NavAux ten como principal obxectivo establecer unha base tecnolóxica e as condicións de formación do persoal necesario para facilitar a implantación masiva de xemelgos dixitais de produtos, tanto para o sector naval como noutros sectores produtivos da Eurorrexión. Un proxecto centrado en impulsar o uso desta ferramenta na industria auxiliar naval de Galicia e do Norte de Portugal que está cofinanciado pola Unión Europea a través do Programa Interreg VA España-Portugal (POCTEP).
O Twin NavAux conta cun orzamento que ronda os 1,4 millóns de euros dos que algo máis dun millón proveñen de fondos Feder e o resto achégano os socios do consorcio. Nomeadamente, e Xunto coa Xunta de Galicia, a Asociación Clúster do Naval Galego (Aclunaga), a Universidade da Coruña, o Centro de Apoio Tecnológico à Indústria Metalomecânica (CATIM), a Universidade Portucalense Infante Dom Henrique, e as empresas Ibercisa Deck Machinery SA, Industrias Ferri SA e Electrorayma SL
A xornada contou coa participación do experto en ciberseguridade, Chema Alonso, fundador, CEO e Charmain das empresas ElevenPaths e de Infomática 64, especializadas en ciberseguridade e formación, así como dos responsables dun importante número de empresas galegas e portuguesas que aproveitaron para mostrar os xemelgos dixitais que están a implantar e as tecnoloxías que os compoñen.
