Villaverde enxalza ao Intecmar como centro de referencia e o seu papel como aval da salubridade dos productos pesqueiros galegos
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A conselleira puxo en valor a calidade técnica dos profesionais deste centro autonómico que realiza anualmente 72.000 análises, emite preto de 300 resolucións, máis de 1.500 informes previos á extracción e 600 avisos
- A responsable autonómica indicou que este traballo é complementado coa participación en catorce proxectos de investigación contribuíndo a situar a Galicia á vangarda a nivel internacional no control e seguimento do medio mariño
- O instituto foi designado no 2021 como Laboratorio de Referencia Nacional de Biotoxinas Mariñas pola Axencia Española de Seguridade Alimentaria e Nutrición
Estas imágenes pertenecen a Página Oficial de la Xunta de Galicia
Vilargarcía de Arousa (Pontevedra), 2 de xullo de 2025
A conselleira do Mar, Marta Villaverde, con motivo da celebración do Consello de Administración do Instituto Tecnolóxico para o Control do Medio Mariño (Intecmar), fixo unha visita ás instalacións deste centro autonómico referente nacional e internacional no análise de biotoxinas mariñas. Alí, a responsable autonómica enxalzou o traballo do instituto que avala coas maiores garantías a salubridade dos produtos pesqueiros galegos que chegan aos consumidores contribuíndo dun xeito crucial á boa imaxe destes alimentos nos mercados.
A titular de Mar, acompañada pola directora do Intecmar, Covadonga Salgado, puxo en valor a calidade técnica dos profesionais deste centro autonómico, cun orzamento de 5,4 millóns de euros para este ano, que realiza anualmente 72.000 análises, emite preto de 300 resolucións, máis de 1.500 informes previos á extracción e 600 avisos. Unha gran cantidade de traballo que realizan unidades analíticas fortemente especializadas que contan con equipos de alta tecnoloxía. Entre elas as unidades de bioxeoquímica mariña, de metais pesados, de organoclorados, de microbioloxía e viroloxía ou a de patoloxía.
Marta Villaverde destacou que todo este traballo de vixilancia e control é complementado coa participación en catorce proxectos de investigación, a maior parte de ámbito nacional e europeo, así como en accións no marco de Rede de colaboración entre os centros de investigación autonómicos e o sector pesqueiro, Redemar. Neste apartado destaca o proxecto Volaria, destinado ao estudo dos factores biolóxicos que condicionan a comercialización da volandeira na ría de Vigo ou o proxecto Redecos II para modernizar o sistema de recollida de datos de salinidade e temperatura nas augas pouco profundas dos bancos marisqueiros do litoral galego. Un labor que sitúa a Galicia á vangarda a nivel internacional no control e seguimento do medio mariño así como á competitividade do sector.
Laboratorio de referencia nacional
O instituto foi designado no 2021 como Laboratorio de Referencia Nacional de Biotoxinas Mariñas (LRBM) pola Axencia Española de Seguridade Alimentaria e Nutrición (Aesan). No marco desta colaboración o pasado mes de xaneiro o Intecmar recibiu a visita da directora executiva da Aesan, Ana López-Santacruz, acompañada pola directora do Centro Nacional de Alimentación, Juana Bustos e a directora do Laboratorio de Biotoxinas Mariñas de AESAN en Vigo, Sabrina Otero. O obxectivo deste encontro foi a renovación do convenio polo que se instrumenta unha encomenda de xestión para a colaboración no marco das actividades desenvolvidas como LRBM.
