Bombeiros forestais estonios e dos Países Baixos formaranse en Galicia na prevención e extinción de incendios
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A Consellería do Medio Rural acollerá durante os meses de xullo e agosto a tres grupos de bombeiros forestais do norte de Europa dentro do Mecanismo Europeo de Protección Civil
- As instalacións do Centro Integral de Loita contra o Lume (CILL) de Toén serán o centro neurálxico das actividades formativas, que combinarán preparación teórica, física e práctica, así como a participación directa en incendios, chegado o caso
Santiago de Compostela, 28 de xuño de 2025
A Consellería do Medio Rural segue apostando pola cooperación internacional na loita contra os incendios forestais e, por segundo ano consecutivo, Galicia acollerá un programa de preposicionamento de bombeiros financiado polo Mecanismo Europeo de Protección Civil no que participarán profesionais de Estonia e dos Países Baixos.
Durante a súa estancia, os bombeiros participantes terán a oportunidade de coñecer os métodos, procedementos e ferramentas empregadas polo Servizo de Prevención e Defensa contra os Incendios Forestais (SPIF) da Xunta, coa finalidade de fomentar a aprendizaxe mutua e o intercambio de coñecementos, tanto a nivel técnico como operativo.
Esta iniciativa permite que profesionais do norte de Europa coñezan de primeira man a realidade e as estratexias de extinción dos países do sur, especialmente afectados por incendios forestais durante o verán. Así, nesta edición participarán tres grupos de bombeiros: un de Estonia, que se suma ao que xa estivo o ano pasado, e dous dos Países Baixos. As delegacións desenvolverán un conxunto de actividades deseñadas pola Consellería do Medio Rural.
Como novidade destacada, é a primeira vez que bombeiros dos Países Baixos participan neste programa en Galicia, o que supón un avance na internacionalización da cooperación nesta área. Así, na segunda quincena de xullo chegarán á nosa comunidade 20 bombeiros neerlandeses, e durante a primeira quincena de agosto, outro grupo de 20 profesionais deste país tamén estarán en Galicia. A parte final do programa, como en 2024, contará coa visita de 20 bombeiros estonios na segunda quincena de agosto.
Todos eles desenvolverán a súa actividade no Centro Integral de Loita contra o Lume (CILL) de Toén (Ourense), onde cada mañá realizarán formación teórica e práctica, condución de vehículos 4x4 e preparación física. Polas tardes visitarán outras instalacións de prevención e extinción e estarán dispoñibles para acudir a incendios reais no territorio galego.
Durante o pasado mes de xuño varios coordinadores dos equipos estonios e neerlandeses visitaron Galicia para preparar a estancia, coñecer as instalacións e organizar as actividades formativas.
