Villaverde destaca a aposta pola excelencia do programa da Universidade Intercontinental da Empresa no ámbito da formación en xestión pesqueira
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A responsable autonómica resaltou que esta iniciativa sitúa a Galicia á vangarda, contribuíndo a reforzar o tecido produtivo vencellado á cadea mar-industria que xoga un papel clave na produción sostible de alimentos de calidade
- Tamén sinalou á UIE como aliada do sector contribuíndo ao desenvolvemento de estratexias e competencias adaptativas que exixen as actuais circunstancias normativas, económicas e comerciais
Estas imágenes pertenecen a Página Oficial de la Xunta de Galicia
Vigo, 26 de xuño de 2025
A conselleira do Mar, Marta Villaverde, destacou a aposta pola excelencia no ámbito da formación pesqueira do programa Executive Program in Seafood Management posto en marcha pola Universidade Intercontinental da Empresa (UIE). Así o manifestou no acto de clausura na sede da Afundación en Vigo onde resaltou que esta iniciativa pioneira afonda no valor estratéxico dun sector esencial para garantir a soberanía alimentaria do conxunto de Europa.
Nesta liña sinalou a necesidade de mudar as políticas comunitarias para abordar con éxito os retos aos que se enfronta a industria pesqueira que garde o necesario equilibrio entre as capacidades de pesca e os recursos dispoñibles que garanta un futuro sostible para o sector. Por iso reiterou que as políticas ambientais deben ser necesariamente coherentes no ámbito económico e social para asegurar a viabilidade e competitividade da actividade pesqueira.
Marta Villaverde puxo en valor que, neste contexto, a primeira edición da Executive Program in Seafood Management sitúa unha vez máis Galicia á vangarda na formación en xestión pesqueira. Unha iniciativa que reforza o tecido produtivo do mar e o seu papel clave na produción sostible de alimentos de calidade. Un sector que é cada vez máis industrial, especialmente en termos de xeración de valor, e que no caso do segmento transformador precisa dunha elevada cantidade de materia prima.
A conselleira do Mar situou á UIE como aliada da cadea mar-industria galega contribuíndo ao desenvolvemento de estratexias e competencias adaptativas que exixen as actuais circunstancias normativas, económicas e comerciais. Nun mercado globalizado resulta imprescindible ampliar as canles de distribución e comercialización para reforzar o liderado galego no mercado pesqueiro internacional.
Innovación e sustentabilidade
O I Executive Program in Seafood Management xurdiu como resposta á demanda do propio sector e está deseñado tomando como eixos centrais a innovación, a sustentabilidade e a perspectiva global propia dunha actividade que se desenvolve en caladoiros espallados polos cinco continentes. Este programa académico de última xeración afonda na realidade do mar actual para abordar os problemas presentes e futuros aos que se enfronta a industria pesqueira.
