Comeza a campaña do polbo o 1 de xullo tras un parón de tres meses, un mes por parada biolóxica e dous de veda
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A Consellería do Mar e sector reforzan o seu acordo co Plan de xestión do polbo aprobado a finais do mes de marzo
- O servizo de Gardacostas de Galicia velou polo cumprimento da parada biolóxica e da veda ao igual que continuará mantendo labores de vixilancia e control das medidas recollidas no plan de xestión para garantir unha explotación sustentable deste recurso pesqueiro
Estas imágenes pertenecen a Página Oficial de la Xunta de Galicia
Santiago de Compostela, 27 de xuño de 2025
O inminente comezo da campaña do polbo o vindeiro martes, 1 de xullo, suscitou esta mañá unha xuntanza na que se realizou un seguimento do plan experimental para a xestión deste octópodo aprobado a finais do mes de marzo. O director xeral de Pesca, Acuicultura e Innovación Tecnolóxica, Cándido Rial, repasou xunto cos representantes da Federación Galega e as Federación Provinciais de Confrarías a estratexia levada a cabo ata a data, tras tres meses de parón da actividade.
A extracción do polbo atópase actualmente nun período de veda en Galicia, e estivo precedida de un mes de parada temporal da actividade durante o mes de abril. O período de veda significa que queda expresamente prohibida a captura desta especie, por medio de calquera arte, en augas nas que Galicia ten competencias en marisqueo, xa sexan interiores ou exteriores.
No plan reforzado no día de hoxe, tanto por Rial como polos representantes do sector, non varían nin os quilogramos marcados como captura máxima nin as e especies acompañantes que se poden capturar, como tamén se confirma que permanecerán igual os horarios, tal e como se recollera no DOG. Compre indicar que, en función da evolución da campaña, as cotas máximas diarias de captura e desembarco poderán ser substituídas por topes semanais.
O director xeral recordou tamén a particularidade da realización dos traballos de laboreo, consistentes no traslado a bordo das embarcacións das nasas desde o lugar de almacenamento, os tres días naturais anteriores ao inicio da campaña e os tres días posteriores ao peche da mesma. Estas labores estarán autorizadas sin que en ningún caso as embarcacións poidan abandonar o porto unha vez depositadas as nasas.
Colaboración e vixilancia
Tamén estiveron presentes na xuntanza representantes de Gardacostas de Galicia dando conta de todas as tarefas de vixilancia realizadas durante estes meses contra o furtivismo coa incautación reiterada de nasas e cacharros de polbo ao longo da costa galega. A posta en marcha destes operativos tivo como resultado a devolución ao mar de máis de 1.700 quilos do mencionado cepalópodo.
Extremar a colaboración entre a Administración autonómica e o sector foi outro dos compromisos que quedou selado esta mañá para seguir controlando de xeito exhaustivo a actividade ilegal sobre a extracción desta especie. A valiosa función que se leva a cabo por parte de Gardacostas verase, ademais, materializada no rigoroso funcionamento do plan, logo do gran esforzo que se fixo nestes tres meses coa vista posta unicamente na preservación do recursos de xeito sostible e co obxectivo de que o seu valor de mercado sexa o máis competitivo posible.
Dende Gardacostas pediuse a colaboración estreita das confrarías en lonxas e puntos de descarga co fin de evitar as ventas ilegais, que poñen en risco a conservación deste prezado produto pesqueiro.
