Belén do Campo informa do decálogo de boas prácticas para gozar dunha noite de San Xoán de xeito sostible e respectuoso co medio ambiente
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A delegada da Xunta en A Coruña visitou a praia da Ribeira, en Miño, para recomendar unha compra responsable, respectando os espazos naturais e recollendo os refugallos creados para depositalos nos contedores correspondentes
Miño (A Coruña), 23 de xuño de 2025
A delegada da Xunta en A Coruña, Belén do Campo, acompañada pola directora territorial da Consellería de Medio Ambiente e Cambio Climático, Pilar Arias, fixo, esta mañá, un chamamento á cidadanía para que celebre a noite de San Xoán dun xeito sostible e respectuoso co medio ambiente a través dun decálogo de boas prácticas baixo o lema Por un San Xoan de 10!
A Xunta avoga por manter as praias limpas de residuos e tamén para ser respectuosos coa preservación dos valores naturais dos areais, tal e como subliñou a delegada durante unha visita á praia da Ribeira, no concello de Miño.
Nesa liña, a representante do Goberno autonómico lembrou as pautas de comportamento claves para que esta celebración non deixe "pegada" no medio ambiente. Así, reiterou a importancia de recoller os refugallos xerados e depositalos no contedor que corresponda para o seu correcto tratamento. Ademais, recomendou o uso de friameiras, vaixela e bolsas reutilizables para reducir a xeración de residuo. Segundo insistiu a delegada, "unha simple bolsa de plástico tarda 400 anos en degradarse".
Belén do Campo tamén avogou por reducir o desperdicio alimentario facendo un bo cálculo dos asistentes para evitar comprar máis comida e bebidas do necesario. Ademais, recoméndase evitar os espazos naturais. Nesta liña recalcou, en canto á localización das fogueiras, que están prohibidas en espazos naturais protexidos e que, aínda que o lugar non estea catalogado baixo ningunha figura de protección, "debemos ser respectuosos porque é o hábitat de diferentes especies de flora e fauna que temos que coidar". O decálogo tamén aconsella queimar só madeira, recoller as cabichas e reducir a contaminación acústica.
