Un total de 500 rapaces e rapazas da comarca participaron nas actividades náuticas Xogando coa auga e co vento, ao abeiro do programa Xogade
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
Estas imágenes pertenecen a Página Oficial de la Xunta de Galicia
Ares (A Coruña), 20 de xuño de 2025
A delegada territorial da Xunta en Ferrol, Martina Aneiros, achegouse esta mañá ao Club Náutico Ría de Ares, onde se desenvolveu unha xornada da actividade Xogando coa auga e co vento enmarcada dentro de programa Xogade (Xogos Deportivos Galegos en Idade Escolar) para o curso 2024/2025 que promove a Secretaría Xeral para o Deporte.
A do día de hoxe é a última xornada das dez que se teñen celebrado dentro desta actividade na que participaron 500 escolares de Ares, Mugardos, Narón, Fene e Ferrol. Estas actividades conlevan o achegamento dos rapaces e rapazas a diferentes actividades náuticas como a vela, o kaiak e o paddle surf, permitíndolles descubrir a sensación de navegar, aprender nocións básicas de seguridade no mar e fomentar valores como o traballo en equipo e o coidado do medio ambiente.
A representante da Xunta destacou a importancia da práctica deportiva nas categorías de base de cara a afianzar hábitos de vida saudables a través de iniciativas como o programa Xogade que agrupa toda a oferta deportiva e lúdica promovida pola Administración galega (escolar e federada) co obxectivo de levar a actividade a todos os concellos e brindarlle á rapazada a posibilidade de practicar e competir cos clubs e centros educativos de toda a comunidade galega.
Neste sentido, lembrou que están inscritos neste programa preto de 150.000 escolares, o que representa o 60 % dos mozos e mozas entres 6 e 16 anos. Ademais, Galicia pechou 2024 con preto de 320.000 licenzas federativas, o 11,1 % da poboación galega, tres puntos por riba do 8,7 % do conxunto do estado.
