Medio Rural e os criadores de Porco Celta avanzan na conservación e fomento desta raza autóctona
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
Santiago de Compostela, 19 de xuño de 2025
O director xeral de Gandaría, Agricultura e Industrias Agroalimentarias, José Balseiros, reuniuse hoxe cos representantes da Asociación de Criadores da Raza Porcina Celta (Asoporcel). O encontro serviu para avanzar na colaboración entre a Consellería do Medio Rural e esta entidade a prol da conservación, recuperación e fomento desta raza gandeira autóctona de Galicia.
Neste sentido, cómpre lembrar que Medio Rural convoca anualmente axudas destinadas aos criadores destas razas, que contan este ano cun orzamento total de 220.000 euros. Poden beneficiarse destas achegas as organizacións ou asociacións de criadores das razas autóctonas galegas recoñecidas oficialmente pola Comunidade Autónoma para a xestión do libro xenealóxico no marco do Programa de cría da raza correspondente, como é o caso de Asoporcel para o Porco Celta.
