Lete destaca a puxanza do Hip Hop galego con 14 medallas no mundial de Narón, na presentación da final da liga organizada pola Xunta
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Na final poranse en xogo os títulos de campións galegos para as sete categorías que comprenden todas as idades tanto en individual, parellas como grupos
Estas imágenes pertenecen a Página Oficial de la Xunta de Galicia
Santiago de Compostela, 17 de xuño de 2025
O secretario xeral para o Deporte, José Ramón Lete Lasa, presentou na mañá de hoxe na presentación da fase final da Liga Galega de Hip Hop organizada pola Federación Galega de Baile Deportivo co apoio da Xunta de Galicia que terá lugar este domingo en Vigo tras pasar por O Porriño, Fene, Narón e Lugo dende o pasado mes de marzo. Na final poranse en xogo os títulos de campións galegos para as sete categorías que comprenden todas as idades tanto en individual, parellas como grupos.
O mandatario galego destacou o pulo da Xunta polo baile deportivo, nomeadamente desde 2021 cando se recoñeceu o breaking como especialidade deportiva e se creou a Liga Xunta Galicia de Break. Ademais, salientou a creación da Federación Galega de Baile Deportivo en 2023 e, un ano máis tarde, a posta en marcha desta Liga Galega de Hip Hop que xa vai pola súa segunda edición. "Todo este apoio e a gran calidade dos nosos deportistas conflúen nos éxitos do baile deportivo que, hai unhas semanas, acadaba 14 medallas no primeiro Campionato do Mundo de Hip Hop Coreográfico, celebrado en Narón". Neste sentido, Lete Lasa destacou as cinco medallas mundiais de Dance Academy (Vigo), as catro de Media Punta (Vigo), así como as de Street Dance (Cedeira), Paso a Paso (Vigo), Fusion Dance (Fene), CDB (Narón) e Gravitty (Lugo).
Lete Lasa destacou a xuventude do baile deportivo e subliñou a importancia que ten en Galicia para o deporte de base, xa que máis da metade das 1.121 licenzas coas que conta a Federación Galega de Baile Deportivo son de rapaces e rapazas de entre 6 e 16 anos. Así mesmo tamén lembrou como o breaking fixo o seu debut olímpico en París 2024 e informou que agora tamén estará nos vindeiros Xogos Olímpicos da Xuventude en Dakar 2026 "nos que agardamos ter representación cunha das xoias galegas neste deporte como é Mini Ali".
