Belén do Campo destaca o investimento de máis de 1,3 M€ en 18 cooperativas da provincia da Coruña para promover o uso de maquinaria agrícola en réxime asociativo
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O obxectivo destas axudas é promover o uso de maquinaria e equipamentos de carácter agropecuario en réxime asociativo, impulsar a introdución de novas tecnoloxías no seu emprego e racionalizar os custos de mecanización
- Son beneficiarias destas achegas as cooperativas agrarias con sección ou servizo de maquinaria e de utilización de maquinaria agrícola en común, as cooperativas de explotación comunitaria da terra ou as sociedades agrarias de transformación
Estas imágenes pertenecen a Página Oficial de la Xunta de Galicia
Mesía (A Coruña), 17 de xuño de 2025
A delegada da Xunta, Belén do Campo, xunto á directora territorial da Consellería de Medio Rural, Nieves Mancebo, visitou a sociedade cooperativa Foucellas beneficiaria das axudas de utilización de maquinaria común (CUMA) en Mesía que conta con 9 explotacións dos concellos de Mesía, Vilasantar e Oza Cesuras. Os socios destas CUMAS están a producir 7.670.200 quilos de leite con 1.693 cabezas de gando. Concretamente, Foucellas foi beneficiaria, no ano 2023, dunha axuda para un inxector de xurro, carro mesturador e un sembrador de herba e, no 2024, recibiu outro apoio para adquirir unha grada rotativa.
A delegada destacou que, no 2025, destináronse preto de 2,4 millóns de euros a un total de 34 entidades beneficiarias para a adquisición de maquinaria agrícola, e a elaboración dos honorarios dos técnicos encargados dos estudos técnicos-económicos de viabilidade do investimento. Deste investimento máis de 1,3 millóns de euros foron para 18 cooperativas da provincia da Coruña e concretamente máis de 238.000 euros para 4 cumas da comarca de Ordes, para unha cooperativa de Mesía e 3 cooperativas máis do concello de Tordoia.
O obxectivo destas axudas é promover o uso de maquinaria e equipamentos de carácter agropecuario en réxime asociativo, impulsar a introdución de novas tecnoloxías no seu emprego e racionalizar os custos de mecanización. Outras finalidades pasan por incrementar os mecanismos de seguridade no traballo, reducir as emisións contaminantes e promover o aforro enerxético, na procura dunha mellora da calidade de vida no rural galego.
Poden ser beneficiarias destas achegas as cooperativas agrarias con sección ou servizo de maquinaria, as cooperativas de utilización de maquinaria agrícola en común (CUMA), as cooperativas de explotación comunitaria da terra con cinco ou menos anos de antigüidade ou as sociedades agrarias de transformación nadas da fusión de dúas ou máis explotacións nos últimos cinco anos naturais.
Estas achegas están financiadas no marco do Programa de Desenvolvemento Rural (PDR) de Galicia 2014-2020. A Consellería do Medio Rural leva promovendo estas axudas no marco do PDR 2014-2020 dende 2016 e convocáronse anualmente dende entón, o que supuxo unha achega total de máis de 34 millóns de euros.
