As axudas da Xunta posibilitan a rehabilitación de 32 vivendas de titularidade municipal, cun investimento de 1,8M€
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A titular de Vivenda e Planificación de Infraestruturas destacou que o crédito, un 45% superior respecto ao pasado ano, esgotouse antes de finalizar o prazo de presentación de solicitude
- Allegue salientou que este ano rehabilitaranse 32 vivendas espalladas nunha vintena de concellos, e entre 2017 e 2025 a Xunta concedeu axudas para de preto de 300 vivendas a 106 concellos, por un importe de 12M€
- A conselleira destaca a aposta do Concello de Chandrexa de Queixa para recuperar antigas vivendas de traballadores do encoro da localidade a través destas axudas, tras visitar tres inmobles renovados na vila de Celeiros, ás que se engaden a outras 3 vivendas que se recuperarán ao abeiro das axudas deste ano
Estas imágenes pertenecen a Página Oficial de la Xunta de Galicia
Chandrexa de Queixa (Ourense), 14 de xuño de 2025.
A conselleira de Vivenda e Planificación de Vivenda e Planificación de Infraestruturas, María M. Allegue, xunto ao delegado territorial da Xunta en Ourense, Manuel Pardo, destacou hoxe, nunha visita a Chandrexa de Queixa, a aposta do Concello por recuperar antigas vivendas de traballadores do encoro a través das achegas para a renovación de vivendas de titularidade municipal da Xunta. 6 inmobles neste concello beneficiáronse desta axuda para a súa renovación e destinaranse a alugueiro accesible.
A titular de Vivenda e Planificación de Infraestruturas anunciou que a Xunta vén de esgotar o crédito desta liña de axudas que contan cun orzamento de 1.850.000€ Salientou que se adxudicaron achegas para a rehabilitación de 32 vivendas en 20 concellos de menos de 30.000 habitantes, 19 na provincia de Ourense, 3 delas en Chandrexa de Queixa, por 1,8M€.
M. Allegue destacou que se incrementou o importe concedido, respecto ao 2024, nun 45%, pasando de 1,27M€ a 1,8M€, e tamén ascenderon o número de vivendas recuperadas nun 18% pasado de 27 a 32.
En total, entre 2017 e 2025 a Xunta concedeu axudas para a rehabilitación de preto de 300 vivendas a 106 concellos por un importe de 12M€. Por provincias, en Ourense beneficiáronse 46 concellos e se acadaron 121 vivendas, en Lugo 31 concellos e 87 vivendas, en Pontevedra 19 concellos e se obtiveron 54 vivendas e por último en A Coruña, 10 concellos e se renovaron 22 vivendas.
M. Allegue subliñou que esta convocatoria destas achegas busca ampliar o apoio aos concellos para impulsar estas actuacións en edificios da súa titularidade, como poden ser as antigas vivendas de mestres ou outros oficios. Deste xeito, as axudas esténdense agora aos que conten con menos de 30.000 habitantes, cando antes se limitaba aos de menos de 20.000.
"Con estas achegas -subliñou a conselleira- non só creamos novos fogares, novas vivendas públicas, desta vez municipais, senón que recuperamos patrimonio e tamén axudamos a asentar poboación nos concellos de menos de 30.000 habitantes".
As axudas autonómicas poden acadar ata o 95% do orzamento das obras, podendo chegar ata os 50.000€ por vivenda rehabilitada, que ascenden a 55.000 no caso de que se atopen nun ámbito histórico ou nun ámbito dos Camiños de Santiago ou da Ribeira Sacra, como é o caso de Chandrexa da Queixa e a 57.000 se a vivenda está nunha área Rexurbe.
