Gómez Caamaño destaca que a vía rápida do melanoma do Servizo Galego de Saúde permite dispor dun diagnóstico en menos de oito días
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O conselleiro destacou que a vía rápida do melanoma deu un primeiro diagnóstico a máis de 1.500 pacientes durante o pasado ano 2024
- Destaca a Estratexia de xestión do cancro que sitúa Galicia como referencia na abordaxe da enfermidade con iniciativas como o comité molecular de tumores, o Centro de Protonterapia ou o centro de fabricación de terapias avanzadas
- Subliñou tamén o papel pioneiro de Galicia na introdución e extensión de cribados poboacionais coa implantación de programas piloto, como o de cancro de próstata e o de pulmón
- A Xunta investiu máis de 2,8 millóns de euros para avanzar nos cribados de enfermidades graves
Estas imágenes pertenecen a Página Oficial de la Xunta de Galicia
A Coruña, 13 de xuño de 2025
O conselleiro de Sanidade, Antonio Gómez Caamaño, xunto co xerente da área sanitaria de Coruña e Cee, Luis Verde Remeseiro, participou esta mañá na inauguración do XVI Simposio do Grupo Español Multidisciplinar de Melanoma 2025, un encontro no que destacou que a vía rápida do melanoma do Servizo Galego de Saúde ofrece un primeiro diagnóstico nun tempo medio inferior a oito días.
En concreto, esta vía asistencial permitiu atender máis de 1.500 pacientes con sospeita de cancro durante o ano 2024 nun prazo medio de resposta de 7,5 días, consolidándose como unha ferramenta esencial para a detección temperá e a axilización do tratamento.
Durante a súa intervención, Gómez Caamaño subliñou que Galicia conta actualmente con nove vías rápidas para diferentes tipos de tumor co obxectivo de reducir os tempos de espera e mellorar a coordinación entre niveis asistenciais. Nelas inclúense: cancro de pulmón, de mama, colorrectal, de próstata, de vexiga, de cabeza e pescozo, melanoma, de endometrio e onco-hematolóxica.
O conselleiro de sanidade puxo en valor a Estratexia de xestión do cancro, que sitúa Galicia como referencia na abordaxe da enfermidade con iniciativas como o futuro Centro de Protonterapia ou o centro de fabricación de terapias avanzadas.
Ademais, o conselleiro destacou o Comité molecular de tumores, unha iniciativa posta en marcha recentemente que permitiu avanzar na equidade do acceso a terapias personalizadas e impulsar a investigación oncolóxica de vangarda.
Igualmente, referiuse á introdución e extensión dos cribados poboacionais coa implantación de programas pioneiros, como o de cancro de próstata, na área sanitaria de Ferrol; e o de pulmón, na área sanitaria da Coruña e Cee. Trátase dunha liña de aposta pola prevención na que a Xunta investiu máis de 2,8 millóns de euros para avanzar nos cribados de enfermidades graves.
Por último, Gómez Caamaño agradeceu ao Grupo Español Multidisciplinar de Melanoma a súa contribución á abordaxe desta enfermidade no noso país, subliñando o papel referente do Servizo de Oncoloxía do Complexo Hospitalario Universitario da Coruña (Chuac), considerado "un referente na atención, na investigación e na formación", grazas ao seu crecemento estrutural e humano nos últimos anos.
Estratexia de xestión do cancro en Galicia
A Estratexia de xestión do cancro en Galicia recolle as distintas actuacións do sistema sanitario galego neste ámbito.
Así, promove unha resposta integral na abordaxe do cancro combinando medidas de saúde pública e melloras na asistencia sanitaria para reducir a incidencia desta enfermidade.
