O balonmán praia despunta en Galicia coa xira de verán que terá lugar na praia Banda do Río de Bueu, organizada pola Federación e co apoio da Xunta
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O balonmán galego que xa é a quinta federación galega con maior número de licenzas federativas ata un total de 11.000 sendo o 40 % de mulleres e unhas 3.000 de balonmán praia
Estas imágenes pertenecen a Página Oficial de la Xunta de Galicia
Vigo, 12 de xuño de 2025
O secretario xeral para o Deporte, José Ramón Lete Lasa, presentou no serán de hoxe a 'Xira Galega de Balonmán Praia' que se desenvolverá nos meses de xuño e xullo na praia Banda do Río de Bueu. O mandatario galego destacou a relevancia que nos últimos anos colleu esta especialidade deportiva en Galicia e remarcou a súa importancia xa que nos últimos Xogos Olímpicos de París celebrouse un torneo de exhibición de balonmán praia. "De seguro que esta disciplina contribuirá a engrandecer o noso palmarés deportivo, como xa ocorreu con outras recentemente integradas no programa olímpico como baloncesto 3x3, surf, skate ou escalada", asegurou.
Lete Lasa destacou os fitos do balonmán galego que xa é a quinta federación galega con maior número de licenzas federativas ata un total de 11.000 sendo o 40 % de mulleres e unhas 3.000 de balonmán praia. Neste sentido lembrou a tempada 96/97 na que catro equipos galegos competiron na máxima categoría nacional -Cangas, Teucro, Octavio e Chapela- ou o subcampionato europeo das rapazas do Balonmán Porriño nesta mesma tempada.
Nos meses de xuño e xullo a praia Banda do Río de Bueu acollerá os catro eventos da 'Xira Galega de Balonmán Praia' nos que participarán uns 90 equipos e 1.200 participantes en cinco categorías, masculinas e femininas: alevín, infantil, cadete, xuvenil e sénior. O segundo deles, entre o 26 e o 29 de xuño, será a proba denominada Xunta de Galicia que outorgará unha praza en cada unha das categorías para o Arena 1000 de Cádiz, unha das cinco probas nacionais do Arena Handball Tour que, este ano, contará cunha proba galega, que se celebrará en Sanxenxo entre o 4 e o 6 de xullo, organizada tamén pola Federación Galega de Balonmán e co apoio da Xunta de Galicia.
