Medio Rural e o Concello de Sarria avanzan na súa colaboración para o mantemento do servizo de matadoiro municipal da localidade
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A conselleira María José Gómez reuniuse esta tarde co alcalde, Claudio Garrido, e coa portavoz do grupo municipal do PP, Carmen José López, na sede da Delegación da Xunta en Lugo
Lugo, 12 de xuño de 2025
A Consellería do Medio Rural e o Concello de Sarria avanzan na súa colaboración para o mantemento do servizo de matadoiro municipal desta localidade. A conselleira María José Gómez, reuniuse esta tarde na sede da Delegación da Xunta en Lugo co alcalde de Sarria, Claudio Garrido, nunha xuntanza na que tamén participou a portavoz do grupo municipal do Partido Popular, Carmen José López, e a directora territorial da Consellería na provincia, Olga Iglesias.
No encontro púxose de manifesto a defensa, por parte da Consellería, do interese público deste servizo, tendo en conta a importancia que teñen o sector agrogandeiro e a propia industria cárnica na comarca.
Gómez reiterou o compromiso da Consellería para atender as demandas dos veciños, no sentido de colaborar para manter en funcionamento unhas instalacións municipais fundamentais para a cidadanía da bisbarra. Ademais, a titular de Medio Rural incidiu en que esta comarca destaca por acoller un número importante de granxas de porcino, así como sas de despece e pequenos obradoiros cárnicos, polo que o servizo do matadoiro resulta de gran interese para o sector.
