A Xunta lamenta a insistencia do Goberno de España en xerar unha alarma infundada sobre presuntas ilegalidades en vivendas de uso turístico en Galicia
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O director de Turismo de Galicia vén de remitir un escrito ao ministro de Consumo no que expresa a inoperatividade e falta de rigor xurídico do documento remitido hai unhas semanas por este ministerio sobre supostas irregularidades
- Explica que o arquivo, remitido por correo electrónico, é unha táboa Excel que non serve para o traballo de inspección ao ser un envorcado directo de datos sen cribar e sen criterio extraídos dunha única plataforma con numerosos erros e imprecisións
- Lamenta a falta de lealdade institucional e reitera o traballo firme contra o fraude levado a cabo pola inspección turística galega a través do Plan Anual vixente
Estas imágenes pertenecen a Página Oficial de la Xunta de Galicia
Santiago de Compostela, 12 de xuño de 2025
A Xunta de Galicia vén de remitir un escrito ao Ministerio de Dereitos Sociais, Consumo e Axenda 2030 para reiterar a falta dunha vontade real de colaboración institucional por parte do Goberno de España na denuncia pública que realizou sobre presuntas ilegalidades na publicidade de vivendas de uso turístico en Galicia. Nunha carta dirixida ao titular deste Ministerio, Pablo Bustinduy, o director de Turismo de Galicia, Xosé Merelles, trasládalle a falta de rigor xurídico e inoperatividade da listaxe de excell que enviou o Goberno de España hai unhas semanas con datos en bruto e directamente extraídos dunha única plataforma de reservas de aloxamento sen aplicar unha depuración ou selección.
En concreto, na carta destaca que a falta de criterio na criba fai que aparezan non só vivendas de uso turístico, senón distintas tipoloxías de aloxamentos cualificadas e rexistradas correctamente no Rexistro de Empresas e Actividades Turísticas de Galicia (REAT/RITGA). Trátase, ademais, dun documento con numerosas dificultades de identificación das vivendas e distintos erros e imprecisións que fan que o documento non serva para o traballo diario da inspección turística galega.
Plan de Inspección Anual
O director de Turismo de Galicia lamenta a "alarma social infundada" creada polo Goberno de España sobre as vivendas de uso turístico e apela á responsabilidade. Lembra ademais que a Xunta, con competencias exclusivas en materia de turismo, xa vixía e actúa "sempre antes as ilegalidades" a través do corpo de inspección turística, especificamente sobre as vivendas de uso turístico desde 2017 en que se aprobou o decreto autonómico.
"Traballamos dentro do Plan de Inspección Anual da Xunta de Galicia e actuamos sempre que detectamos unha ilegalidade ou irregularidade debidamente acreditada e, de ser o caso, iniciamos o expediente sancionador que podería derivar nunha sanción tipificada na Lei de Turismo", afirma.
Xosé Merelles lembra tamén a firmeza da Xunta de Galicia contra a fraude. "Non escatimamos esforzos na supervisión e inspección", indica ao tempo que recorda que só o ano pasado se realizaron 4.000 actuacións, sempre preservando "a seguridade e calidade no ámbito turístico".
