Gómez Caamaño avanza que a nova unidade de prevención e rehabilitación cardíaca de Vigo entrará en servizo tras o verán logo dun investimento da Xunta de case 770.000 €
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O Goberno galego investirá preto de 68.000 euros no equipamento destinado a este novo espazo que contará cunha superficie duns 270 metros cadrados
- Incorporará catro consultas, ximnasio, sala de emerxencias, área de ergoespirometría e zona de reunións
- O resultado será unha área coas instalacións axeitadas para abordar todas as fases do proceso rehabilitador e ofrecer o mellor coidado cardiovascular aos pacientes
- Desde o ano 2019 xa foron preto de 10.000 os pacientes que pasaron por unha consulta de cardioloxía na unidade de prevención e rehabilitación cardíaca de Vigo
- A patoloxía máis presente nos programas de rehabilitación é a cardiopatía isquémica, responsable de máis de 1.500 ingresos anuais na área sanitaria de Vigo
Estas imágenes pertenecen a Página Oficial de la Xunta de Galicia
Vigo, 11 de xuño de 2025
O conselleiro de Sanidade, Antonio Gómez Caamaño, marcou o final do verán como a data prevista para a posta en funcionamento da nova unidade de prevención e rehabilitación cardíaca do Hospital Público Álvaro Cunqueiro, na que o Goberno galego está a investir preto de 770.000 euros.
Durante a visita de supervisión ás obras que se están a levar a cabo no Complexo Hospitalario Universitario de Vigo, o titular da carteira sanitaria estivo acompañado pola delegada territorial da Xunta, Ana Ortiz, e polo xerente da área sanitaria, Javier Puente.
Este novo espazo, que contará cunha superficie duns 270 metros cadrados, acollerá catro consultas, un ximnasio, unha sala de emerxencias, unha área de ergoespirometría e unha sala de reunións. O resultado será unha área capaz de abordar todas as fases do proceso rehabilitador e de ofrecer o mellor coidado cardiovascular aos pacientes que pasan polo hospital vigués.
Segundo sinalou Gómez Caamaño, esta unidade consolídase como un referente asistencial na protección cardíaca da poboación cun equipo multidisciplinar que inclúe cardiólogos, rehabilitadores, persoal de enfermería, fisioterapia, psicoloxía, traballo social, farmacia e nutrición.
Coa pandemia o Servizo Galego de Saúde deu un importante salto cualitativo ao poñer en marcha un novo modelo de rehabilitación cardíaca domiciliaria para pacientes de risco baixo e moderado. A día de hoxe, xa se ofrecen programas presenciais, domiciliarios e híbridos, abarcando desde a prevención ata as distintas fases do proceso de recuperación.
A cardiopatía isquémica é a patoloxía máis frecuente nos programas de rehabilitación, sendo a responsable de máis de 1.500 ingresos anuais na área sanitaria de Vigo.
Así, desde o 2019 xa foron preto de 10.000 os pacientes que precisaron dunha consulta de cardioloxía. E só no 2024, as consultas co cardiólogo superaron as 2.300.
Compromiso coa sanidade pública de Vigo
A Xunta realiza un importante esforzo investidor ao destinar un 5,5 % máis nos orzamentos a unha área sanitaria que atende preto de 600.000 persoas, sendo a máis poboada de Galicia. Así, o Goberno galego dedica neste 2025 máis de 1.000 millóns de euros á sanidade pública viguesa.
Este orzamento é necesario para poder ofrecer as mellores prestacións sanitarias á cidadanía, coa ampliación de prazas na unidade de hospitalización infanto-xuvenil de saúde mental ou a creación dunha área de transición para os adolescentes. Tamén a creación dunha nova área maxilofacial do Meixoeiro ou a ampliación do Hospital de día oncolóxico.
A nivel de infraestruturas, están moi avanzados os traballos do Centro Integral de Saúde Olimpia Valencia, cun investimento de case 15 millóns de euros.
