Román Rodríguez anuncia un investimento de máis de 410.000€ para unha ambiciosa mellora do Colexio Plurilingüe San Clemente de César, en Caldas
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Renovaranse a cuberta e parte das fiestras, aplicarase illamento térmico na fachada e instalaranse novas luminarias e falsos teitos, entre outras actuacións
- A obra licítase hoxe mesmo e eleva a 6,7M€ o investimento en melloras nos centros educativos deste concello pontevedrés nos últimos anos
- Todos os nenos empadroados en Caldas obtiveron praza no centro solicitado como primeira opción e, de feito, aínda quedan 37 prazas libres en 4º de infantil
Estas imágenes pertenecen a Página Oficial de la Xunta de Galicia
Santiago de Compostela, 11 de xuño de 2025
O conselleiro de Educación, Ciencia, Universidades e FP, Román Rodríguez, anunciou hoxe no Parlamento un investimento de máis de 410.000€ para realizar unha ambiciosa mellora no Colexio CEIP Plurilingüe San Clemente de Cesar, en Caldas de Reis. A actuación, tal e como explicou, licitarase hoxe mesmo e eleva a 6,7M€ o investimento en obras nos centros deste concello pontevedrés nos últimos anos, entre as que destaca a ampliación do Instituto IES Aquis Celenis (5,3M€).
Co fin de mellorar o confort do alumnado e profesorado deste centro, as obras contemplan a mellora do illamento térmico mediante o recheo da cámara de aire da fachada con perlas de EPS, a substitución da cuberta actual por unha nova de panel sándwich de poliuretano, así como o illamento do baixo cuberta e do falso teito do comedor con la de roca. Tamén se renovarán fiestras, maioritariamente no primeiro andar, colocando unhas novas con caixas de persiana compactas e lamas illadas con poliuretano.
Xa no interior, mudaranse os falsos teitos da primeira planta e do aseo de profesores da baixa por uns acústicos rexistrables, instalaranse luminarias LED con detectores de movemento, así como unha bomba de calor aerotérmica no comedor.
A maiores, o programa da actuación inclúe a reforma integral dos aseos de profesores, traballos de pintura e de pulido do pavimento, a colocación dun tabique móbil acústico entre a biblioteca e a aula contigua e o esmaltado da estrutura metálica do soportal entre o edificio principal e o comedor.
Prazas libres
No que atinxe á organización do vindeiro curso, o conselleiro destacou que a oferta de prazas escolares en Caldas de Reis é ampla e, tamén, é suficiente para atender toda a demanda existente. De feito, só se recibiron 64 solicitudes para as 101 prazas ofertadas en 4º de Educación Infantil, polo tanto quedan aínda 37 libres.
Neste sentido, o conselleiro destacou que todos os nenos empadroados en Caldas obtiveron praza no centro solicitado como primeira opción. As dúas solicitudes que non foron admitidas no CEIP Plurilingüe San Clemente de César son de alumnos procedentes de outros concellos (en concreto de Valga e do Porriño) cuxas familias non alegaron proximidade de lugar de traballo ao centro escolar. Polo tanto, estes alumnos poden matricularse en calquera outro centro dos que teñen prazas libres, ou no seu propio concello de residencia.
