Anxo M. Lorenzo presenta o Festival Groba como punto de encontro para a música clásica en Galicia
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Esta cita homenaxea o legado do mestre ponteareán Rogelio Groba (1930-2023), un dos músicos e compositores máis distinguido do século XX
- O director xeral de Cultura destaca que a cita contará cun amplo programa de actividades con concertos, obradoiros, conferencias, clases maxistrais, presentacións de discos e concursos de interpretación
Estas imágenes pertenecen a Página Oficial de la Xunta de Galicia
Madrid, 11 de xuño de 2025
O director xeral de Cultura, Anxo M. Lorenzo, participou hoxe na presentación da XIII edición do Festival Groba, celebrada na Casa de Galicia en Madrid, onde agradeceu o importante labor de difusión do legado do mestre Rogelio Groba que se fai nesta cita a través dun amplo programa de actividades entorno á música clásica.
O representante da Consellería de Cultura, Lingua e Xuventude sinalou o compromiso por manter viva a herdanza do mestre Rogelio Groba que "con máis de 720 obras publicadas foi un dos compositores galegos máis importantes do século XX". Ademais, o director xeral de Cultura recoñeceu a relevancia deste evento "por converter Ponteareas, vila natal do compositor, nun punto de encontro para a música clásica".
Neste senso, Anxo M. Lorenzo salientou a consolidación deste festival, enmarcado na ampla oferta de festivais culturais en Galicia que promove o Goberno galego, que leva trece anos atraendo a Ponteareas importantes músicos do panorama nacional e internacional, e tamén se mostra como unha plataforma para impulsar novos talentos e a creación contemporánea nesta modalidade artística, ademais de dotar á cultura dun acceso universal.
No acto celebrado en Madrid, participou tamén Rogelio Groba, director artístico do festival e da fundación que leva o mesmo nome, que aproveitou para presentar a programación da entidade máis alá do evento, que se estende ata finais do outono, e na que destaca o Ciclo de Concertos de Verán da Orquestra de Cámara Galega, en espazos históricos e emblemáticos da cidade da Coruña, e o IV Ciclo Noites na Cidade Vella, que conta con once concertos distribuídos en edificios patrimoniais da cidade herculina.
O Festival Groba, que se celebra do 17 ao 23 de agosto en Ponteareas, conta cun amplo abano de propostas, combinando excelencia artística, formación de novos talentos e accesibilidade para todos os públicos. Ademais, na cita participarán artistas internacionais como Zee Zee, Amaury Coeytaux, Veriko Tchumburidze, Henri Demarquette ou Luka Coetzee, entre outros, e a xa habitual orquestra residente, a Orquestra de Cámara Galega.
