Valentín García valora a contribución do programa radiofónico 'Fala que Fala' para incentivar a rapazada a empregar o galego nos espazos de lecer
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Máis de 300 escolares de seis centros de primeiro e segundo da Educación Secundaria participan nesta iniciativa, organizada por Radio Líder co apoio da Xunta de Galicia
Estas imágenes pertenecen a Página Oficial de la Xunta de Galicia
Santiago de Compostela, 10 de xuño de 2025
Máis de 300 escolares de primeiro e segundo de Educación Secundaria participaron hoxe na Cidade da Cultura, en Santiago de Compostela, na gala de clausura da primeira edición do programa radiofónico Fala que fala, organizado por Radio Líder co apoio da Xunta "contribuíndo a incentivar a rapazada a incrementar o uso do galego nos seus espazos creativos e de lecer", segundo o puxo en valor na súa intervención o secretario xeral da Lingua, Valentín García.
O representante da Consellería de Cultura, Lingua e Xuventude explicou que este programa naceu co obxectivo de fomentar o uso da lingua galega entre as e os máis novos, a través dun formato "atractivo e participativo, como é a radio en directo e desde os propios centros educativos".
Deste xeito, Valentín García salientou o "alto interese" que espertou o proxecto, ao que se animaron a participar seis centros de toda Galicia que levaron a cabo programas de radio con contidos culturais, xogos, entrevistas e debates en galego. Por estes motivos, celebrou o "entusiasmo" destes escolares "por facer e demostrar a través desta iniciativa que o galego é unha lingua viva, útil e divertida".
Os centros que se involucraron nesta primeira edición de Fala que fala foron os institutos de Oroso e Ordes, na provincia da Coruña; o Faro das Lúas, de Vilanova de Arousa, o Liceo La Paz e o Manuel García Barros, da Estrada, todos eles na provincia de Pontevedra; e o Vila do Arenteiro, do Carballiño, na provincia de Ourense. Ao longo do proxecto, o alumnado desenvolveu competencias comunicativas en lingua galega, conectando coa súa contorna e reforzando a súa identidade cultural.
