Rueda enxalza a folla de ruta da Xunta cara unha Galicia máis industrial, sustentable e con acceso á vivenda
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Salienta a aposta do Goberno autonómico porque Galicia "siga medrando" e "non perda oportunidades"
- Reclama melloras na rede de distribución eléctrica para que a comunidade se consolide como referente na xeración de enerxía renovable e capte proxectos das industrias verdes
- Lembra o compromiso da Xunta por "dobrar o parque público residencial" e chegar a 8.000 vivendas protexidas nesta lexislatura
Estas imágenes pertenecen a Página Oficial de la Xunta de Galicia
A Coruña, 10 de xuño de 2025
O presidente da Xunta, Alfonso Rueda, destacou esta mañá a folla de ruta da Xunta para que "Galicia siga medrando" e "non perda oportunidades", baseada nunha aposta por impulsar proxectos empresariais estratéxicos, consolidar as enerxías renovables e facilitar o acceso á vivenda.
Durante a súa intervención no IV Foro Económico Español "La Galicia que viene", organizado por El Español e Quincemil, deu as claves do Goberno autonómico para avanzar cara unha Galicia moderna, competitiva e sostible, na que resaltou a importancia de "colaborar e chegar a acordos" entre administracións para dar resposta ás necesidades da cidadanía.
No ámbito empresarial, Rueda salientou que Galicia é referente en diferentes sectores con empresas que "identifican moi ben o que significa Galicia Calidade" e que fan que "este eslogan sexa unha realidade permanente". Ademais, a nivel industrial, a comunidade está a recuperar músculo e avanzando con paso firme. Proba diso é o crecemento da produción industrial nun 4,1% no último ano, fronte ao 1,5% da media estatal. Uns datos que responden a unha estratexia sólida de reindustrialización baseada en incentivos fiscais, desbloqueo e modernización do solo industrial e a creación dun ecosistema que integra formación, innovación, loxística e colaboración público-privada.
Nesta liña, Rueda lembrou que Galicia "non pode renunciar a seguir medrando" e salientou a aposta da Xunta por converter a comunidade nun lugar atractivo para investir e "aproveitar as oportunidades" que ofrecen sectores coma as industrias verdes e a xeración de enerxías renovables.
Neste eido, alertou da necesidade de reforzar as infraestruturas tralo apagamento rexistrado hai unhas semanas. O presidente pediu ao Goberno central máis investimentos nas redes eléctricas xa que "hai un problema serio no acceso e distribución" de enerxía que Galicia comparte con outras comunidades.
Aposta pola vivenda pública
En canto á vivenda, identificouna como unha prioridade estrutural do Goberno galego en 2025. Rueda lembrou o compromiso da Xunta de "dobrar o parque público residencial" e pasar nesta lexislatura de "4.000 a 8.000 vivendas de promoción pública". Máis de 2.200 están xa en distintas fases de execución e isto se suma a outras medidas da Xunta coma o alugueiro social, a rehabilitación de vivendas baleiras ou a posta en marcha da Sociedade Pública de Vivenda de Galicia (Vipugal).
Por último, o xefe do Executivo autonómico fixo referencia tamén á recente Conferencia de Presidentes, na que lamentou a falta de diálogo real e de preparación para acadar consensos efectivos. Criticou que non se permitisen votacións nin achegas por parte das comunidades, e advertiu que, "o tempo pasa e as necesidades dos cidadáns seguen aí".
